Éxodo 15 - 인기 성경 구절

공유

He'i chupe kuéra: —Tupã pende Jára ñe'ẽ pehendu ramo añetehápe ha pejapo hekópe guáva hesa renondépe, pehendúvo hembiapoukapy ha pejapóvo hembipota, nambou mo'ãi pende ári mba'eveichagua ñenupã pochy amondo vaekue Egipto guáre. Che niko hína pende Jára pene pohanóva.

Tupã, nde che mombarete ha che mbovy'a. Nde, ivaívagui che pe'a! Nde che Tupã, rogueropurahéi, che ru kuéra Tupã, romomorã!

Ore Jára! Ndéicha guápa máva tupã nguéra apytépe! Mávapa ndéicha ojajaipa, imarangatu! Nde hína kyhyjeha mba'e rechapyrã apópe! Mba'e rechapyrã apoha jojaha'ỹ!

Reisãmbyhy py'a porãme ne retãgua jejora pyrépe. Nde po mbaretépe chupe kuéra reraha, nde róga marangatu peve.

Oguahẽvo Márape ndaikatúi upépe hoy'u, irógui upe y. Upévare ombohéra Mára upe oguahẽ haguépe. Upérõ oñe'ẽ pochy hikuái Moisés rehe ha he'i: —Mamo piko jay'úta? Moisés ohenói Ñandejárape ha Ñandejára ohechauka chupe peteĩ yvyra. Upéva ha'e oity ýpe ha upe y oñemohe'ẽ.