Mataio 24 - 인기 성경 구절

E ma‘alili fo‘i le alofa o le to‘atele o tagata, ‘ona ‘ua tupu tele o le amio leaga. A o lē tumau se‘ia o‘o i le gata‘aga, e fa‘aolaina lea.

E tala‘iina atu fo‘i lenei tala lelei o le mālō i le atu laulau uma, e fai ma molimau i nu‘u uma; ‘ona o‘o mai ai lea o le gata‘aga.

E fa‘alogo ‘outou i tau‘a ma tala o tau‘a; ‘ia ‘outou, ne‘i tou atuatuvale; auā e ao ‘ona taunu‘u o nei mea uma, ‘ae le‘i o‘o i le gata‘aga.

Auā e si‘i le tau‘a e le tasi nu‘u i le tasi nu‘u, ma le tasi mālō i le tasi mālō; ‘ona o‘o mai ai lea o oge ma fa‘ama‘i ma mafui‘e i lea mea ma lea mea. O nā mea uma o le amataga ia o puapuagā.

E mavae atu le lagi ma le lalolagi, a o a‘u ‘upu e lē mavae atu lava ia.

Auā e to‘atele e ō mai i lo‘u igoa, ‘ua fa‘apea ane, ‘O a‘u nei o le Keriso;’ latou te fa‘asesēina fo‘i tagata e to‘atele.

“‘Ona latou tu‘uina atu ai lea o ‘outou i le puapuagā ma latou fasiotia ‘outou; e ‘inosia fo‘i ‘outou e nu‘u uma ‘ona o lo‘u igoa. O ona po ia e tausuai ai tagata e to‘atele, e fa‘alata le tasi i le tasi, ma feitaga‘i i latou. E tutū mai fo‘i perofeta pepelo e to‘atele, latou te fa‘asesē fo‘i i tagata e to‘atele.

‘Ona tali atu ai lea o Iesu, ‘ua fa‘apea atu ‘iā te i latou, “‘Ia ‘outou, ne‘i fa‘asesēina ‘outou e se tasi.

O le mea lea ‘ia ‘outou nofo sauni ai; auā o le itū aso tou te lē mānatunatu ai e sau ai le Atali‘i o le tagata.

“O lea, ‘ia ‘outou mataala ai; auā tou te lē iloa po‘o le fea le itū aso e sau ai lo ‘outou Ali‘i.

“A o lea aso ma lea itū aso e lē iloa e se tasi, e lē iloa lava e agelu i le lagi, ‘ua nā o lo‘u Tamā lava.

Auā e tutū mai Keriso pepelo ma perofeta pepelo, latou te faia fo‘i fa‘ailoga tetele ma vāvega, ‘ina ‘ia fa‘asesē ai i ē ‘ua filifilia lava, pe ‘āfai e mafai ai.

‘Ae pei o ona po o Noa, e fa‘apea fo‘i pe a sau le Atali‘i o le tagata. Auā e pei ‘ona faia i ona po a o le‘i o‘o le lolo, ‘ua latou ‘a‘ai ma inu, ‘ua latou fai avā fo‘i ma fa‘aavaga, ‘ua o‘o lava i le aso na ulu atu ai Noa i le va‘a, na lē iloa fo‘i e i latou ‘ina se‘ia o‘o le lolo, ma ‘ave‘esea i latou uma; e fa‘apea fo‘i pe a sau le Atali‘i o le tagata.