Mataio 11 - 인기 성경 구절

“‘Ia ‘outou ō mai ‘iā te a‘u, o ‘outou uma o ē tigāina ma mafatia i avega, o a‘u fo‘i e mālōlō ai ‘outou.

‘Ia ‘outou amoina la‘u amo ma ‘ia ‘outou fa‘aa‘oa‘o ‘iā te a‘u, auā o a‘u lē agamalū ma le loto maulalo; ‘ona maua lea e ‘outou o le mālōlōga mo ‘outou agaga.

Auā e ‘avegofie la‘u amo, o la‘u avega fo‘i e māmā ia.”

‘Ua tu‘uina mai mea uma ‘iā te a‘u e lo‘u Tamā; e leai fo‘i se tasi ‘ua iloa le Atali‘i, ‘ua nā o le Tamā; e leai fo‘i se tasi ‘ua iloa le Tamā, ‘ua nā o le Atali‘i ma sē ‘ua loto le Atali‘i e fa‘aali atu i ai.

‘Ona tali atu ai lea o Iesu, ‘ua fa‘apea atu ‘iā te i lā‘ua, “‘Inā ō atu ia ‘oulua ma fa‘ailoa atu ‘iā Ioane o mea nā ‘oulua fa‘alogo i ai ma va‘ai i ai; ‘ua pupula tauaso ma ‘ua sāvavali pipili, ‘ua fa‘amamāina lepela ma ‘ua logo tutuli, ‘ua fa‘atutūina o ē na oti ma ‘ua folafolaina fo‘i le tala lelei i ē matitiva.

O lē ‘ua i ai taliga e fa‘alogo ai, ‘inā fa‘alogo mai ia o ia.