1. Mose 9 - 인기 성경 구절

공유

Un Gott säd: Ekj woa dit Tieekjen jäwen, daut ekj opp emma disen Bunt jemoakt hab. De Bunt es tweschen mie un junt un june Nokomen, un aule Tieren, aules waut oppe Ieed dän läwendjen Odem haft. Ekj woa mienen Boagen en de Wolkjen saten fa een Tieekjen von mienen Bunt met de Ieed.

Wan de Boagen enne Wolkjen es, woa ekj dän seenen un aun dän Bunt tweschen mie un aule Menschen un Tieren, dee eenen läwendjen Odem haben, denkjen.

Wäa een Menschenläwen nemt, däm sien Läwen saul jenomen woaren, wiels Gott haft dän Mensch soo aus sikj selfst jemoakt.

Un Gott säajend Noah un siene Säns, un säd: Habt june Famieljes, un vemieet junt, daut de Ieed bevelkjat woat.

Jieda Sort von Tieren oppe Ieed es doa fa junt toom äten. Krakjt soo aus ekj junt daut, waut doa waust, jeef, jäw ekj junt aules.

Jieda Tia oppe Ieed un jieda Voagel waut doa flicht un jieda Fesch em Wota, woat sikj fa junt schuen, un jie woaren de Macht äwa an haben.

Jie sellen Kjinja haben un Grootkjinja; got aulawäajen oppe Ieed un vemieet junt.