Hechos 20 - 인기 성경 구절

공유

Ruc' c'u ronoje ri ilom alak che ri nubinic, nuc'utum che alak ri lic chirajawaxic wi caka'ano: Cojchacunic cha' utz quekato' janipa ri c'o cajawax chique. E c'una chikac'u'x ruch'a'tem ri Kanimajawal Jesús echiri' xubi'ij: “E más nim uk'ij ralaxic ri jun casipanic, chwa ri jun xa cuc'ul ri casipax che”» xcha'.

Pero ri'in na jinta c'ana cubi'ij nuc'u'x che, na can'an tane che ri nuc'aslem pacha' lic c'o uwach chinuwach ri'in; xew cuaj canq'uis u'aniquil ruc' qui'cotemal ri nutakem pan che ri nuchac, ri xya' chwe ruma ri Kanimajawal Jesús. Wa' e ruk'alajisaxic ri Utzilaj Tzij re ri unimal rutzil uc'u'x ri Dios.

»E uwari'che, chajij ib alak y chechajij alak janipa ri eya'tal pak'ab alak ruma ri Santowilaj Ruxlabixel ri Dios. Ma alak aj c'amal wach re quebil alak ri tinamit re ri Kanimajawal, yey wa' wa tinamit e ri xebulok' Rire ruc' ruquiq'uel.

»Ec'u wo'ora hermanos, cank'atisaj can alak puk'ab ri Dios cha' Rire cuchajij alak y catiqui' c'u alak chupa ri Utzilaj Tzij re ri unimal rutzil uc'u'x. Ma xew wa' c'o uchuk'ab re cuya ri q'uiyibal alak chwach ri Dios y cuya na janipa ri takal che alak, jela' pacha' ri bi'tisim chique conoje ri quiya'om quib puk'ab ri Dios.