1 Corintios 7 - 인기 성경 구절

공유

Maxu'yaj c'u ib alak ri' chiwach alak ruc' ri rayibal alak, xew we ch'a'tibem chi alak cha' na cajunimaj ta ib alak queb oxib k'ij ruma caya ib alak pa oración. Ec'uchiri' caq'uis ruk'ijol ri oración, junimaj tanchi ib alak. Ma we lic naj na cajunimaj ta ib alak, laj cac'am pa alak ruma ri Satanás y na cach'ij ta c'u alak uchuk'ab.

Chirajawaxic c'ut e rachi chu'ana janipa ri takal che cu'an ruc' ri rixokil ruma e c'ulanic; jec'ula' rixok chu'ana janipa ri takal che cu'an ruc' ri rachijil. Rixok na e ta rajaw rucuerpo ma rucuerpo puk'ab ri rachijil c'o wi; jec'ula' rachi na e ta rajaw rucuerpo ma wa' puk'ab ri rixokil c'o wi.

Ec'u ralak alak re ri Dios, ma Rire ulok'om chi alak ruc' rucamic ri Cristo. E uwari'che, maya ib alak paquik'ab ri ticawex xa ruma e lic catakej alak ri quina'oj.