1 Corintios 1 - 인기 성경 구절

공유

Ma ri Dios ebucha'om ri cabi'x chique na jinta co quina'oj, cha' e cuya quiq'uix ri caqui'an che quib lic c'o quina'oj. Ebucha'om ri lic na jinta co quichuk'ab cha' e cuya quiq'uix ri e takanelab c'o quichuk'ab.

Rutzijoxic rucamic ri Cristo chwa ri cruz e jun sachibal na'oj chiquiwach ri quesachic. No'j c'u chikawach ri cojcolobetajic, ruc' rucamic Rire e cak'alajin ruchuk'ab ri Dios.

Tob e c'o ticawex caquich'obo ri Dios pacha' na jinta una'oj o na jinta uchuk'ab; na ruc' ta c'u ri', ri quina'oj y ri quichuk'ab rique, na cajunimax ta q'uenok ruc' runa'oj y ruchuk'ab ri Dios.

Ri Dios lic jusuc', ma ronoje ri cubi'tisij e cu'ano y e Rire siq'uiyom e alak cha' cu'an alak xa jun ruc' Ruc'ajol, wa' e ri Kanimajawal Jesucristo.

Campixabaj c'u alak hermanos chupa rubi' ri Kanimajawal Jesucristo: C'ola alak chi utzil chomal y majach pa alak. E ri lic ube e chu'ana xa jun na'oj alak y xa jun c'u'x alak.

Ri caquibi'ij lic c'o queta'am, ¿sa' cutikoj ri quina'oj? Raj c'utunel re ri tzijpixab, ¿sa' cutikoj ronoje ri quimajom? Yey ri lic caquich'a'tibej uq'uiyal tak na'oj re wak'ij ora, ¿sa' cutikoj ronoje ri caquibi'ij? Na jinta cutikoj, ma ri Dios uk'alajisam chic na jinta que'elawi ri quina'oj ri ticawex re ruwachulew.