Zɛnɛse 9 - 인기 성경 구절

공유

Ɣâla è mò ǹyɛɛi, “Gbanaŋ-wooi maa ŋɛi-kɛ-maai ká ŋí nyii ŋá gɛ̀ kwa káa-ni kúloai, da vúlu sãai kélee díkaa ǹɔii sui, kásuui kélee mɛni ma. Ŋa ŋágbeimɛlɛi lâai ŋ̀elei su, ǹyaŋ a pâi kɛ̂i a ŋákpanaŋ-wooi maa ŋɛi-kɛ-maa kwa ǹɔii kúloai.

Gbeimɛlɛi à kɛ̀ ŋ̀elei su, ŋa pâi gâai, gɛ̀ ní ŋɔ́lɔ-wɔlɔ kpanaŋ-wooi a pâi toôi ŋ́gili ŋá nyii gáa kúloai kwa fúlu sãa kélee díkaa ǹɔii sui.”

Ǹúui kélee a m̀arâŋ ŋãa pûi, da pâi ŋɔ̂i pûi. Kpɛ́ni fêi, ŋá núu-kpune kpɛ̀tɛ a ŋ́gbîŋ ƃóloŋ-maa.

Nya ƃe Ɣâla è lûwa làa Nôa ma da ǹônii ǹyɛɛ diai, “Ka ƃûu ƃó, ká ǹɔii láa fɛ́ɛ.

Fúlu sãa kélee díkaa a mii-sãa kámɛni ma. Yɛ̂ɛ berei ŋá tuma-laa tɛ̀ɛ la kápɔi, ŋa sɛŋ kélee tɛ́ɛ kápɔ.

Fɛnɛ-sãa kélee da pâi yaôi kâa da ŋɔni-ŋai, da dɔara-sãai é pɛ́lɛ ǹyɛ̃ɛ-ŋai dîa. Ŋa díkelee tɛ́ɛ kápɔ.

“Mɛni ma, ka ƃûu ƃó, ká táma ǹɔii su ká ǹáa fɛ́ɛ.”