Ovaroma 6 - 인기 성경 구절

공유

Ondjambi youlundhi et̯o, iya otjali tjaKalunga omwenyo waapehe muKristus Jesus, Muhona wetu.

Iya oulundhi háu mu tumine. N̯e kamu li kohi yoveta, iya mu li kohi yet̯ilonkenda lyaKalunga.

Hitwa tjatjwa, twa t̯a, nt̯e hatu pakwa pamo naKristus, ngaKristus hiaa imunwa kout̯e kodhonkono dhelaimo lyaIhe, nant̯e tu tjiiwe okweenda monkalamwenyo ompe.

Hámu yandja ovin̯ipo vyen̯i koulundhi, vi ile oviundapethwa vyovipuka ovivi, iya ovene liyandjen̯i kuKalunga, mu liyandje, otjovantu mbamwa ithwa met̯o, hamu etwa momwenyo. Liyandjen̯i kuKalunga, opo e mu undapethe hitji li mondjila.

Tu tji i okutya ountu wetu oukulu wa papelwa pamo naKristus komutjaakano, opo olutu lwoulundhi lu han̯aunwe po, ahamatu kala uke ovapika woulundhi

Iya nan̯e wo ngatjo mu lihava okutya mwa dha mo moulundhi, mu na omwenyo okukalela Kalunga muKristus Jesus.

Iya ngatu tye vi? Ngatu twikile okukala moulundhi okutya et̯ilonkenda lyaKalunga li ile en̯ingi? Hátjo nokanunu! Nt̯e mbatwa dha moulundhi, matji tjiiwa vi uke tu kale mo?

Kamu tji i okutya andaa mamu liyandja komuntu, mu ile ovapika ve wokutyaa kuye, mamu ile ovapika vangoka humamu tee? Andaa mamu liyandja okuundapa oulundhi, omaandelo atjo et̯o, iya andaa mamu tee kuKalunga, okutyaa hoka maku mu ningi ovavyuuki kotjipala tjaKalunga.

Iya Kalunga nga tumbalekwe, mena lyokutya n̯e hemba mbamwa li ovapika woulundhi mwa itavela nomitima vyen̯i otjatjili himatji moneka melongo moka mumu li. N̯e mwa kutululwa moulundhi, mwa ila ovapika wovilinga vyouvyuuki.