ROM 6 - 인기 성경 구절

공유

येनटीक की पापदी पगार साव उंडाद, पण परमेश्वर कृपा इचांग मनाक प्रभु येशु ख्रिस्तला सार्वकालिक जीवन उंडाद.

आप्पुड मी मिंदा पापदी अधिकार नडवाक फोई येनटीक की मीर नियमशास्त्र अधिन लेम, पण कृपा अधिन उंडार.

दिनिचांग मनाम वान साव बाप्तिस्माता वान जताक बुडशेदेंक वच्चीनाम, आदी दिनिचांग की यल्ला ख्रिस्त परमेश्वर आब्बान सामर्थ्यता सच्चीनोर लोन्केल लेपेदेंक वच्या, आल्ले मनाम पण कोत्ता जीवन लेका नडवाला.

इंगा मीर मी फयलोन अवयवलान वाईट माटला इचांग पापकी समर्पण शेयाकुंडा. पण मीर स्वतान सच्चीनोर लोन्केल जित्ता आयनोर इल्ला समजाशी मी अवयवलान शिंगार फनुल शेशेदेंक परमेश्वरकी इचकाडना.

मनाक यरका उंडाद की मना दिंटल्योन्टोड पापी स्वभावटोड मनशी ख्रिस्त जताक क्रुस मिंदा खिळाशेदेंक वच्या, दिनिचांग की पापी स्वभावदी शरीर लोन्केल नाश कावाला इंगा मनाम दिन मुंदारकी पाप दास कावाराद.

आल्ले मीर पण मी पापला इचांग सच्चीनोर पण परमेश्वर इचांग ख्रिस्त येशुला स्वतान जित्ता समजायना.

तर इप्पुड मनाम येम आनाला? परमेश्वरदी कृपा जास्त शिक्काला आंका मनाम पाप शेस्का उंडाला येम? अजिबात लेद! मनाम यप्पुड पाप इचांग सच्ची फोयनाम, तर मंग दिन मुंदारकी दांटल्या यल्ला निलच्याम?

मिक यरका लेद येम की यवारदी आज्ञापालन शेशेदेंक मीर स्वतान दासलेका इचकाडतार वान दास आयतार; पाप उंटे यादानदी परिणाम साव उंडाद लेकाते आज्ञापालन यादानदी परिणाम नितीमत्व उंडाद.

पण परमेश्वरकी धन्यवाद येनटीक की मीर पापकी दास उंटीर, पण मीर याद शिक्षा स्वीकार शेस्तीर दानदी मीर मनता पालन शेस्तार. इंगा पापकेल मुक्त आय्यी नितीमत्व दास आयतीर.