रोमीकु 12 - 인기 성경 구절

공유

आउर नोःआँ दुनिया लकान आलपे बनाव कोअ, बकिर आपे आला मन के नावाँ बनाव यअते परमेसर के आपे आला चाइल चलन के बदलाव चिपे, जेकर से आपे के पता चलाअ ची परमेसर आला इकछा एतान हेके, माने कि जे बेस तरअः बेसा, जे हुनी के बेस आदाईया आउर जे सिध एदानिया।

हिना लःअय ए बोयहाकु! ईङ परमेसर आला माया उईहार ची केते गोहराअ तनिङ, ची अपन होड़ो के मियांड जिवीःड आउर पबितर परमेसर के खुसोअ लकान बलिदान रअः भेस रे रकाबेपे। निआँ आपे आला आतमिक सेवा हेके।

आसरा रे रिझ ताहिन पे, आउर बिपाईत रे खतिर दोहोयपे, बि-बिनती रे लगाल ताहिन पे।

आपे बुराई तरअः आलपे हराव कोअ, बकिर भलाई तरअः बुराई रे जीत नामेपे।

आपे सचे बोको-बोयहा लकान हुनी-नुई के दुलार कुपे। आपे हुनी-नुई के माईन एमोअ रे जामे होड़ तरअः जादे मड़ांग ताहिन पे।

आपे आला पेरेम निमन हुयाअः चाही, आपे बुराई तरअः घिंड़ोअ पे, भलाई रे लगाल ताहिनापे।

जे जगुत हुयाव सकाआ जामेकु लोः मेल-जोल दोहोयपे।

ईङ आलकु दुलार कु! आपे खुदे बदला आलपे रुवाड़े, बकिर होना के परमेसर आला खीस के मोका एमाई पे, एता लःअय ची पबितर पुथी रे लिखा लअः एदनाआ, “परभु कंहड़ीयाय, बदला इदी ईङ आला काम हेके, ईङ गी बदला इदीयींग।”

आपे जुरजुट लगाल ताहिन रे आलपे कुड़ही कोअ, आतमिक उतसाह रे पेरेःग ताहिन पे आउर परभु के सेवा एकाई पे।

हिना लःअय ची होना परमेसर आला दया रेनअः चलते जे ईङ के भेटाव ताना, आपे के कंहड़ीईङ, जे लकान समझाअ चाही, होना तरअः बाईढ़ केते जाहें होः अपन के समझाअ कोवान चाही, जे लकान परमेसर जामे झन के जेतना बिसवास एम तदाय, हिमने गी बेस बुधी लोः अपने के समझाअ चाही।

बुराई रेनअः बदली आलपे बुराई के, जे बात जामेकु हेनाःड बेस एदनाआ, होना रेनअः फिकिरेपे।

अपास रे मेल-जोल ताहिनपे। घमंडी आलपे बनाव कोअ, बकिर गिराल-पराल कु लोः भेंट एकानपे। अपन के बुधीमन आलपे समझाव कोअ।

बकिर “जदि आपे आली बैरी रांगेगाय दो हुनी के घोटो खियाईपे, जदि तेतांगाय दो हुनी के दाअः पियाई पे, एता लःअय ची नोकाने रे आपे आला पेरेम बेवहार तरअः मुरुक लाजिम कोआय।”

अपन स-सताव कु के असीस एमा कुपे, आसीस एमा कुपे आलपे सरपाव कु। रिझोअ कु लोः रिझोअ पे आउर ईइयाम कु लोः इयामेपे।

पबितर होड़कु के जे दरकार एदनाआ, होना रे हुंकू के मदाईत कुपे, गुतियाकु के से-सेवा रे तेयार ताहिन पे।

जे लकान आबु आला होड़ो रे काइएक गोड़ अंग एदनाआ आउर जामा अंग रेनअः काम मियांड लकान कनोआँ। हिंकान गी आबु जे ढेरे एदानबुआ ख्रीस्त रे मियांड होड़ो हेके। आउर अपास रे हुनी-नुई आलकु अंग हेके।