संत.मरकुस 5 - 인기 성경 구절

공유

तेकर हुनी, “ए माई आमके बिसवास ताम बेस तदमेआय, जु सानती से सेनमे तेकर नोःआँ दुख तरअः बंचाव ताहिन मे,” बेता लियाय।

तेकर मियांड आउराईत बारह बरीस तरअः महिना बेमार ताय का अटकाअः केना। हुनी ढेर दवहा कु तरअः मुरुक दुख सहाव लःअय, हेतरअ आएंग आला जामा खरचा के एमा चबा किद कुआय, रे होः काय बेस नेना, बकिर बेमार ताय आउर गी रोसाव सेन नेना।

तेकर हुनी आला मयोम तुयोः केना होना तुरते हेने घड़ीक अटकाव ना, तेकर हुनी होना बेमार तरअः छुटाव निङ मेन केते होड़ो ताय रे अटकार लःअय।

तेकर हुनी कुड़ी आला तीः सःब केते, “तलीताकुमी!,” बेता लियाय, नोःआँ रअः माने “ए कुड़ी, आम के बेताः दिमीईङ, बिरिःड मे” हेके।

हुनी क-कंहड़ी केनाय गी ची याईर आला ओड़ाअ तरअः होड़ हीःग केते, “आम आली माई ताम दो गोएःग नाय, नहाअः दो गुरू के एतान लःअय परेसान दियाम?” हुंकू आला कंहड़ी के ईसु अनसुनी केते, याईर के, “आलुम बोर, आम बिसवासेमे भाईर,” बेता लियाय।

(एता लःअय ची, ईसु “ए असुध आतमा, नुई होड़ तरअः उडुंग जुनोःमे!,” बेताई केनाय।) तेकर “आम आला एतान नुमू हेके?,” मेन केते ईसु हुनी के कुली लियाय। हुनी “ईङ आला नुमू ‘पलटन’ हेके, एता लःअय ची आले ढेर बगरा एदान लेआ,” मेन केते कंहड़ी रूवाड़ लःअय।