Apocalipsis 22 - 인기 성경 구절

공유

Liꞌá neca xi neca letra A nu letra Z. Letra nú rquixie alfabeto, nu rlaxue, xne tucutsia liꞌá rnibiyaꞌa desde chenu uquixie iliulabe nu ye tiembu.

Jesucristo uni: ―La leaꞌ nú nzela zecaa nu nzelayua nú liquia lu cada tucuhua lunú uriꞌi cada tucuhua.

Espíritu Santo cuna enu neca noviaꞌ Corderoꞌ Diose rni: ―Utee. Nu bene enu rieneꞌ nú rni bee nucuaꞌ scua rnilla: ―Utee. Titse bee enu rrebichiꞌ, yeꞌta nzeꞌe, nu enu niarquiꞌ nuꞌ modo nú hueꞌ nzeꞌe inza nú rliquiꞌ elunehuañi sin nu ixiu nzeꞌe.

Ñia neca lu cuendaꞌ bee bene enu neca xi neca nú uquieela xucu equie nú rriꞌi caso beella Stichiaꞌ Diose, para nú nuꞌ modo chuꞌu beella enza ruꞌu puerta eyeche zeꞌe nu para nú nuꞌ modo nú acu beella indixi nú rayu lu aca nú rliquiꞌ elunehuañiꞌ bee bene.

Nu Jesucristo uni: ―Yamero nzela ¡Ñia neca lu cuendaꞌ bee bene enu rriꞌi caso Stichiaꞌ Diose nú nequie lu libro quieꞌ nu rixiuleꞌe nú xi nzu aca!

Zeꞌe la chuaꞌ rulaꞌ nu la quiꞌñiaꞌ bee bene quii nu niꞌ ellieꞌ bichia xne Paꞌahua Diose duꞌllieꞌe zeꞌe, nu zeꞌe nibiyaꞌ beella cuna liꞌinu diqui tiembu.

Enu nediyaꞌ nú neli ye bee nucuaꞌ, rni: ―Neli nú la leaꞌ nzela. Scua acane niarquia. ¡Detá Jesucristo, utee! Jesucristo riꞌi nú cha nzeꞌcae lu cuendaꞌ yehua. Amén.

Ye bee bene enu rieneꞌ bedichiaꞌ nú nequie lu libro quieꞌ lunú nzeꞌta aca, liꞌá nia luhua nú tunu nuꞌ tucu bene enu sucuꞌ equie saꞌla bedichiaꞌ lunú nequie lu ichiꞌ quieꞌ, leꞌca scua zucuꞌ equie saꞌla Diose castiya nú zeca bene zeꞌe lunú nequie lu libro quieꞌ. Leꞌca esquie tunu nuꞌ bene enu axi bee bedichiaꞌ nú nequie lu libro quieꞌ lunú nzeꞌta aca, leꞌca axi Diose nú rialalla lu aca nú rliquiꞌ elu nehuañi nú rni lu libro quieꞌ, nu leꞌca la chuꞌu bene zeꞌe eyecheꞌ Diose elu rni lu libro quieꞌ.