1 Juan 3 - 인기 성경 구절

공유

Enzeꞌe bee lliꞌñia, liꞌá nia luhua nú la niꞌtsiahua nu rniaꞌahua nú seꞌcaꞌahua bee saꞌahua, rquiꞌña nú lubeaꞌahua nú seꞌcaꞌahua bee saꞌahua cuna lunú rriaꞌahua.

Liaꞌahua nediyaꞌahua nú seca Jesucristo liaꞌahua xne ungutinu equie cuendaꞌahua; nee leꞌca scua equie nú seꞌcaꞌahua bee saꞌahua lecaxi riꞌi mase atiaꞌahua equie cuendaꞌ bee saꞌahua.

Ubiꞌyacuruhua chiquiꞌ llene neca nú seca Diose Paꞌahua liaꞌahua. Enzeꞌe nuꞌ modo nú chiuꞌuleaꞌahua lliꞌñinu, nu necaꞌahua lliꞌñinu. Pero bee bene enu la chequie inziuꞌ Diose la chulu beei liaꞌahua xi neca Lliꞌñi Diose, xne la chulu beei liꞌinu.

Pero bene enu siempre rriꞌi dula neca nzeꞌe beneꞌ bezeꞌlu, xne tucutsia bezeꞌlu neca enu rriꞌi dula hasta chenu uquixie iliulabe, nu Jesucristo Lliꞌñi Diose ubeꞌta lu iliulabe para nu uriꞌinu ana lunú rriꞌi bezeꞌlu.

Enzeꞌe niꞌ tucu bene enu nzequie inziuꞌ Diose la zucuꞌlulla nú riꞌilla dula, xne nehuañila Espírituꞌ Diose cuna liꞌilla, nu la yalaꞌ nú riꞌilla dula xne necalalla Lliꞌñi Diose.

Pero tunu nuꞌ tatucuhua enu neca xene lu iliulabe quieꞌ nu lañiꞌlla tucu saꞌlla enu seca elitsi, nu la riꞌilla elietsa lu bene zeꞌe, ¿xa modo nilla nú rluꞌculla elusecaꞌ Diose che?

Bee bene enu sucuꞌ tucu nú rnibiyaꞌ Diose nu rriꞌi beellae, liꞌibeella nehuañi beella cuna Diose nu liꞌinu nehuañinu cuna liꞌibeella. Nu nediyaꞌahua nú nehuañinu cuna liaꞌahua, equie cuendaꞌ Espíritu Santo nú uliquiꞌlanu luaꞌahua.

Chee rlubeꞌ nú ti neca bee Lliꞌñi Diose nu ti neca bee lliꞌñi bezeꞌlu, xne tatse enu la riꞌi tucu nú niarquiꞌ Diose urre la zecalla bee saꞌlla la aca nzeꞌe Lliꞌñi Diose.

Nu liꞌihua desde chenu uyalí arquiꞌhua Jesucristo, ubeneꞌlaꞌhua nú rquiꞌña nú zecaꞌahua bee saꞌahua.

Enzeꞌe bee saꞌa enu nzeli arquiaꞌahua Jesucristo, la chenu arquiꞌhua tunu rana arquiꞌ bee bene iliulabe liꞌihua equie nú nzequieehua inziuꞌ Diose.