Genesis 37 - 인기 성경 구절

공유

Ne Yusufu naloora lilooro, naboolela abaana babwe amakhuwa kalio; nabo nibameeta butswa okhumukiya.

Ne Isiraeli yamuheela Yusufu okhushila abaanabe bosi, shichila niye owali omwana wobukofubwe; namunabila ikanzu yamakhono amarambi.

Mana abaana babwe nibalola shinga olwa saabwe yamuheela okhushila abaana babwe bosi, nibamukiya, kata nibaranyala okhusungana ninaye nomulembe tawe.

Khandi naloora lilooro lindi khandi, naboole a abaana babwe khulio, ari Lole, endoorile lilooro khandi; mbu eliuba nende omwesi nende tsinyininyini ekhumi nandala binyinamiile.

Abaana babwe nibamufwimbila; ne samwana nabiikha likhuwa elo mumwoyokwe.

Nababoolela mbu Chame muhulilekhwo lilooro lino elia endoorile; mbu lole, ifwe khubeele nikhubohanga ebinywa mumukunda; ne eshinywa shianje nishibuukha, nishisinjila; khandi lole, ebinywa bieenywe nabio nibibotokhanaho nibiinamila eshinywa shianje.

Kho chende khumwire, mana khumusukune mwiyabo lindi khukano, mana nakhuboole mbu isolo yimuliile; mana khwakhalole amalooroke shinga olwa kakhabe.

Mana abahooni abaMidiani nibabiraho; nibakhwesa Yusufu nibamurusia mwiyabo, nibakusia Yusufu khubaIshimaeli tsifeetsa amakhumi kabili. Nabo nibamuyila Yusufu eMisiri.

Nibasungana abeene nabeene bari Lole, omwene malooro ngwoyo, yeetsanga.

Nabo nibamulola nashili ehale; ne olwa yali nashili okhuula ewa bali, bakhobana mbu bamwire.

Reubeni nababoolela mbu Muramuraatsia amatsayi ta; mumusukune mwiyabo lino eliliho mushitsiimi, ne muramutiilakhwo ta. Okhuba yeenya okhumuhonia mumikhono chiabwe mbu amukalusilie samwana.