Rom 4 - 인기 성경 구절

Hnadaga la khawmei saw krong äng ani la ütei naw hütah. Äichaw a ani la uyum äng chang bala Hnadaga a awpiyaw pek. Hnadaga la ibang khawmei hütäm, äi kheni thän ni thäneyeih hnäng saw ting ani la hmawt hüt khäh.

Iyaäm kiyam la hawu, “Kei nanga awbawng yapsaw khäl käh paw kini poh.” Äihi Hnadaga mik äng Awbraham che nangkei käh paw. Awbraham la uyum saw, Hnadaga la dä dütih a awsawk pekal hnäng awlaw iha mäyah saw känäng atha poh hnäng.

Nangkei käh ngulai koong Yĕsu a düsaw kutäng awp hmuei hüt. Awlaw nangkei a Hnadaga hmawi mawh a konghmuh sang ting süh hmueyeih koong Yĕsu düsaw känäng thouwal.

Awbraham la awchaw mäyeih saw ting khah nei hütah. Äini ani la Hnadaga khrung äng uyum tawkei hüt. Äi koong ani awbawng yapsaw käh paw thänei. Hnadaga la hawu hüt, “Nang käh chen khäl hawna käh asĕ huih ini thäneyei.”

Äi koong khawmei saw che uyum känäng dä losaw, Hnadaga känäng awphiyaw phoih huih thänei hmawna. Ni huih äng Hnadaga la khawmei saw Awbraham nuchen paw sawk khäl kheni la bün ni ini büneyeih saw ting ini khinei. Niche thung äng mäiti khäl jiji koong hiyah, äini Awbraham huih uyum tawei tih khäl koong ha. Ani dä nangkei ükütni käh paw.

“Bise khäl ähläh büneyal tih, awlaw u käh ngulai kün hmueyal äm, äiche pisih mawh. U käh ngulai Boi la süpah äm, äi khrawng che pisih mawh.”

Kiyam la hawu, “Awbraham la Hnadaga a uyumei hüt, äi uyum koong dä Hnadaga la ani a konghmuh sang ting lawkei.”