Mag 6 - 인기 성경 구절

공유

Bhô pađar dôm Xêh Pachai: “Khol hư xang nao veh tamư pak libik jwa, padei gleh tha kal.” Kaywa hu biak ralô urang nao mai, ngak ka Bhô thong Xêh Pachai ôh hu tuk vag piêh ƀang.

Min Pô Yê-su bican: “Pakat hôr ôh gok paong, klāk tabiak di krưh bhum mi, gaup gan thong mưnga vôm drei.”

Birau tabiak truh di gilai, Pô Yê-su ƀôh tapôr bôl yơ ganơh anit khol nhu, kaywa khol nhu yau pabo ôh hu mưnuix glang. Bhô raup pato pakai khol nhu ralô kabha.

Dok tak nan Bhô ôh mưda ngak tha bruk gon xagta halei lingiu bruk cek tangin ngok tha dwa urang rwak hakik thong pajru dhit ka khol nhu. Bhô plơng kadơng kaywa tian khol nhu ôh dial. Bloh Bhô nao lang pato graup palei jek nan.

Pô Yê-su mưk limư kleh tapei thong dwa ikan, talāk mưta tagôk lingik, đwa karun bloh pek tapei thong yêr ka dôm anưk xêh piêh rabha takhat ka bôl bhap. Bhô lijang rabha dwa ikan ka abih drei. Abih drei jang ƀang trei laơh. Khol nhu dôn patom vơk bihu tha pluh dwa habai bak tapei thong ikan libeh.