Ma-thi-ơ 28 - 인기 성경 구절

공유

Yau nan, xang nao thong ngak ka abih bôl gilaic hajiơng anưk xêh Ita, xang nưmax angan Pô Amư, Pô Anưk, thong Pô Nưbi Ginrơh ngak ƀap-tem ka khol nhu, thong pato khol nhu khik abih kabha Ita krung hu tathit ka khol hư. Thong ni, Ita takung dok thong khol hư ka tal kayamat.”

Pô Yê-su mưrai thong bican thong khol nhu laic: “Abih aco gon ngok thôr riga ala tanưh krung hu jao ka Ita.

Min umat đôm thong dôm urang kamei laic: “Jôi thur mưk, kaywa ita thau ka khol hư dwah Pô Yê-su, Dê krung hu gok pang đin di gai gan gak. Bhô ôh dok sani ô, Bhô krung hu diup vơk pajơ, yau panôic Bhô krung hu đôm. Xang mai iơk libik Bhô krung hu đih.

Pô Yê-su bican thong khol nhu: “Jôi hôic, xang nao đôm ka dôm dei ai Ita mưrai pak Ga-li-lê, tak nan mưca khol nhu gōk Ita.”

Hadei di tuk krung hu nhom biai thong dôm ginôr taha, khol nhu brei ka dôm rajabôl tha thanôn jiên prong, thong kakei: “Xang đôm laic ‘dôm anưk xêh nhu mưrai tuk mưlam, panik khol dahlak dok đih, thong mưk klek atau nao.’ Mưyah kwan pakrang nưgar hamit bruk ni, khol dahlak mưca pahalar ong nan, thong ôh lôi ka dôm xaai gok mưduh.” Yau nan, khol nhu mưk jiên thong ngak tui panôic khol nhu kakei. Bruk ni bihu ravak dalam bôl Yo Thaic ka tal harei ni.