Жаратылыу 26 - 인기 성경 구절

공유

Ол жерде кёчюп айлан. Мен сени бла боллукъма эмда санга берекет берликме, нек десенг, битеу бу жерлени санга эм туудукъларынга берликме эмда атанга, Ибрахимге этген антымы толтурлукъма.

Туудукъларынгы кёкдеги жулдузлача кёп этерикме эмда битеу бу жерлени туудукъларынга берликме. Сени урлугъунгу юсю бла битеу жерни миллетлери алгъышлы боллукъдула. Ибрахим Мени сёзюме тынгылап, Мени фарызымы, буйрукъларымы, жорукъларымы эм насийхатларымы тутханы ючюн, алай этерикме.

Алайдан кетип, ол башха къую къазгъанды, аны юсюнден а арада сёз жюрюмегенди. Исхакъ: «Энди Раббий бизге эркин жер берди, жер башында биз да кёбейирбиз», – дегенди да, анга Рехобот атагъанды.

Раббий Исхакъгъа кёрюнюп былай айтханды: – Мисирге барма, Мен санга айтырыкъ жерде жаша.

Сора Исхакъ анда къурман этилиучю жер къурагъанды да, Раббийни атын айтып, дууа этгенди. Анда чатырын къургъанды, Исхакъны къуллары да ол жерде къую къазгъандыла.