Luke 6 - 인기 성경 구절

공유

ဟောင်ပေါဟောင့်(ဝ်)အောင်းပေ မဆူကော့် အောင်းဟောင့်(ဝ်)တနယ့်ခမ်။ နောင်မဆူဟောင့်(ဝ်)အောင်းပေညော့ စောင့်ဖလားန တဟောင့်(ဝ်)ပေါက် အောင်းမောဝိုက်"ဆီ ဝါကော်ဝိုက်။

ကွန်းအောင်းနီးလေန ဆီမေခနောဝ်စောင်း(ဝ်)မွန်း အောင်းနီးလေနဲဟော် စမ်ထုအောက်ဟော။ ကွန်းအောင်းမနီးလေကော့် ဆီမေခနောဝ်စောဝ်မွန်း အောင်းမနီးလေနဲဟော် စမ်ထုအောက်ဟော။ ခွမ်းမဆူလေန ပြားအောင်းစောဝ်မဆူကျဉ်းနော့်။

အောင်းအစားဟောန့် အောင်းကွန်းစောန်းအောင်းမဆူလေ ဟောက်ဆီ ခနေမနော် အောင်းနီးလေဟေဟင်း။ တူးနိမ်မတူးနိမ် တနွိုက်ပေါက်ဝါလ မမျှော်ဆီ တနယ့်ကူ့ဟောင့်(ဝ်)။ ဟောင်ပေါဟေနောင်နယ့် မဆူလေန ဆုအောင်းရောင်(ဝ်)တောင်း တပေးလအောင်စောင့်ဖလားဝိုက်။ ဟေဟောင်ပေါဝါလော့် စောင့်ဖလားန အောင်းကွန်းကျေးဇူးမဟုလေတောင်း အောင်းကွန်းမနီးလေကော့် ဟောက်ညော့ဝိုက်။

ခနေမော နောင်ပေါ်မဆူ အီနူညော့ ခနေပေကော့် တနယ့်အီနူ။

နောက်လောင်နော့် စောင့်ယေရှုဝါမားလ "ခနေပေ စစ်ဆေးဆီ အပြစ်ပီဟောင့်(ဝ်) နောင်နယ့်ဟောင်ဝါမှ အောင်းမဆူကော့် စောင့်ဖလားလ စစ်ဆေးဆီ အပြစ်အောင်းတဟောင့်(ဝ်)မစော်။ အောင်းပေ တော်ပေါယပ်ပီဟေ။ နောင်နယ့်ဟောင်ဝါမှ စောင့်ဖလားလ အောင်းစမဆူ တော်ပေါယပ် အောင်းတဟေမစော်။ အောင်းပေ ဟောင်ပေါခွင့်လွတ်ဟောင်ဝါမှ အောင်းမဆူကော့် စောင့်ဖလားလ တခွင့်လွတ်ဟောင့်(ဝ်)ဝိုက်။ အောင်းစပွန်လေ နောင်မောခွင့်လွတ်ညော့ စောင့်ဖလားကော့် အောင်းစမော တခွင့်လွတ်ဟောင့်(ဝ်)ဝိုက်။

တော်နယ်ကော့် အောင်းမဆူရီကော့်စီ ကောတဝါ။ ခနေကွန်းမနီးလေ မေတ္တာလေဝိုက်ဟင်း။ ခနေရန်ဆူဟောလေကော့် အောင်းမနော် အကျိုးအောင်းနီးလေ ဟေဟောင့်(ဝ်)ကော်။ အောင်းကွန်းဝါအောင်းမနီးမငမ်း အောင်းမောကော့် စောင့်ဖလားဟပေါဟောင့်(ဝ်)အောင်းနီးလေ ဆုရောန်းဟောင့်(ဝ်)ကော်။ အောင်းကွန်းနိစတ်အောင်းမောလေကော့် ဆုရောန်းဟောင့်(ဝ်)ကော်။

အောင်းပေ နောင်မောခဟဆက်ဆံညော့ ခနေပေကော့် မောတနယ့်ဆက်ဆံ။

ကွန်း ကော်နိမ်မစော်ကော်နိမ် ဟောင်ပေါတင် အောင်းဖာကျင်(မ့်)မော ပါ့နိမ်လော့် တောင်းပါ့ပါ့နိမ်ပါ ဟတင်ကော်။ ကွန်းကော်နိမ်မစော်ကော်နိမ် ဟောင်ပေါရောန်း အောင်းဆေလုန်မော အောင်းဆေမော ခနောဝ်ပါဟောင့်(ဝ်)ကော်။ အောင်းကွန်းစောင့်မားရောန်း ရာမောလေတောင်းလုန်ကော့် ဟောင့်(ဝ်)ကော်။ ကွန်းစောင့်အောင်းဝိုက် ပစ္စည်းမောလေကော့် ဆီမေကွန်းဟောန့် ပီရောန်းပေါက်။

တိန့်မိုက်အောင်းနီးလ မတ်အောင်းမနီးမမတ်။ တိန့်အောင်းမနီးကော့် မတ်အောင်းနီး မမတ်ပဲ့ဝါလ ကွန်းတောင်းလုန် ဟု။

တွဲမတ်မွန်းဆီ အကြောင်းတိန့်မွန်း မဆူဝါပဲ့။ မဆူလေ ဆီမေခနောဝ်ယွန်း(မ်) အောင်းမတ်ဖနေအောင်း(ဝ်)ဆီ နောင်မနွိုက်ပဲ့ညော့ အောင်းမတ်စပျစ်ကော့် ဆီမေခနောဝ်ယွန်း(မ်) အောင်း(ဝ်)ဆီမနွိုက်ပဲ့။