Улон-вылон 49 - 인기 성경 구절

공유

Иуда бордысь эксэй боды уз басьтӥськы, закон поттӥсь – кус дорысьтыз – тупаса улон Сётӥсь лыктытозь, Солы калыкъёс тэрытскозы.

Иосиф – емыш сётӥсь писпу, ошмес дурын будӥсь емышо писпу; солэн вайёсыз борддор йылтӥ кыстӥсько; пукыӵен ыбылӥськисьёс сое ӝоже уськытылӥзы, шораз ыбылӥзы, соин тушмонъяськыса улӥзы

нош Иаковлэн кужмо Инмарезлэн киыныз солэн пукыӵез но, киызлэн суйбыгытъёсыз но юн куен кылизы. Отысь уллё возьмась, Израильлэн изгурезез потэмын, тынад атаедлэн Инмарез бордысь, Ваньмызлэсь Кужмо Инмар бордысь Со потэмын, Со тыныд мед юрттоз, вылӥысь, инмысь ӟечлыкъёсын тонэ бакель мед кароз, улӥысь – пыдэстэм дуннеысь ӟечлыкъёсын, ноныослэн но пушлэн ӟечлыкъёсыныз тонэ бакель мед кароз

Иуда! Тонэ агай-вынъёсыд ушъялозы. Тынад киыд тушмонъёсыдлэн сюрлы вылазы улэ; атаедлэн пиосыз тыныд йыбырттозы. Мынам Иуда пие – пинал левпи, кутэм пӧйшурзэ сием бераз ӝутӥське. Пыдесъяськиз, выдӥз айы лев кадь, мумы лев кадь: кин сое сайкатоз?

Нырысь вордӥськем пие, Рувим! Тон мынам изкаре, кужымелэн потыны кутсконэз, данлыклэн, кужымлыклэн самой йылыз, но тон ву кадь бугыръяськид, табере тон ваньзылэсь вылӥын уд ни луы, уго тон атаедлэн валесаз тубид но, [отчы] выдыса, мынэсьтым валесме тон саптад.