Лука 6 - 인기 성경 구절

공유

Максседа, тейнтьке максови: цебярь ункстамаса, конань шерьфтьсазь, матрасазь и марасазь пряда вельф, и каясазь элезонт; сяс мес кодама ункстамаса тинць ункстатада, стамса ункстави тейнтьке».

Цебярь ломанць эсь седиенц козяшиста лихти цебярь, а кяжи ломанць эсь седиенц козяшиста лихти кяж; вдь мезьда пяшксе ломанть седиец, ся и лиси кургстонза».

Но тинь кельгость душманонтень и тиендеда цебярь; эрти, кие анай кядьстонт пандомда, максода и тяда учсе меки пандома. Эста тейнть ули оцю казне, и тинь ульхтяда Инь Вярденнети идькс, сяс мес Сон цебярь аф пандыхнендинге, кяжихнендинге.

Уледа тиньге кельгозь ужяльдикс, кода кельгозь ужяльди тинь Алянте».

«Тяда суденда, и тиньге аф ульхтяда судендафт; тяда муворгофне киньге, тиньге аф ульхтяда муворгофтфт; ноляда ломанень шумот, тиньге шумонте нолдави.

«Но тейнть, кулхцондыхненди, корхтан: кельгость душманонтень, тиендеда цебярь аф кельгиентенди. Бславакшнесть сюдыентень и озондода сялдыентень инкса.

Тиендеда ломаттнень мархта стане, кода мяленте синь тиендельхть мархтонт.

Кие эрьхттянза фкя щёкати, ладяк тейнза омбоцетьке; кие нельгсы лангстот вярдень щамцень, тят шорсе тейнза сявомс панарценьге. Кядьстот эрь анайти макст, кие сявсь кядьстот, тяк ана меки.

«Аш цебярь шуфта, кона кандоль кальдяв имож; и, меколанкт, аш кальдяв шуфта, кона кандоль цебярь имож.

Эрь шуфтсь содави иможензон коряс; аф кочксихть кумбаравста инжир, и аф кочксихть сялги тишеста виноград.