Matyuu 4 - 인기 성경 구절

공유

Satanyol toro kuudoka kuvi kuruv Jisasol aro kuudokaikono. “Gooti toolluro yogalo tov aro sakwollungikokwono. A'mwo abolo ton aiyo mujomwekovlaiyo'mo jurogudo tov yiuno bret tovida'ai to'no mamapinogano. Toro kun kuruv Gooti toolluro mago tovida'ai yiuwi'nokai yogalo lokabodowo'jure su tovida'ai to'gwowi aiyo su tov nokwo mapinogano.” Kuudokaikono.

Toro kuudoka kuvi kuruv Jisasol aro kuudokaikono. “Gooti toolluro yogalo tov aro sakwollungikokwono. “Yiuno gumi Aguto Gooti toolluno to'no neya ilomoropiyabinekugono. Aki yiuno kwolluno to'no neya uumjunmwalbinekugono.” Sakwollungikokwono. Toro tovino tov, Satanyol guu dovlavono.” Kuudokaikono.

Satanyol su toro kuudoka kuvi kuruv Jisasol aro kuudokaikono. “Gooti toolluro yogalo sakwollungiko to'gwowi aro dodowodokwono. “Guvu gumi Gooti Aguto toollu yamju mwiyoganbinono,” dodowodokwono.” Kuudokaikono.

Toruda'ai Gooti toolluro Kuullo tool Jisasollu kwako a'mwomaiyo kuu'maiyo tomuuno amollubworomokavlavokaikono. Su tov Satanyol Jisasollu yamju wiyoganoneyokwe tovino Kuullo tool toro amollubworomokavlavokaikono. Toro mollubworomokavla'mno sumaiyokwe Jisasol kwako a'mwomaiyo kuu'maiyo tomuu 40-pela iruko tobuuke'aro 40-pela surakuuto tobuuke'aro tobuullu wosamujuko puru'monodo kuruv manokaikono. Iruko su tobuul me'no abawoka toga mujuko bwotonyo kwinokaikono.

Toro todorallu Jisasol aro kuudokaikono. “Kevu mi donumjunyulo. Nuvu me'no sekubwasumi toga kevu domwoga toorai ai'noma'mwakulo to'busuko kubalno a'mwo abolo tonyu de'noma'mwalbullunorakikono.” Kuudokaikono. Toro kuudoka kuga'gwo kuuno a'mwo su todoral kemi domwoga kuurowabwollo'mo kuto tonyu yogallu'mo'mno sumaleyokwe Jisasollu kuumjunolorakono.

Su toro togada'ai Jisasol a'mwo abolo tonyu kuuguudo aro amoruudomollajukekono. “Muunyu kai'muuda'ai aguto kig toolluro mido mollomwalo tov wobo toga nobai'mowono'mokwono. Toro tovino tov kevu Gooti toollomno kuudo neya jouragunyumo'nyulo.” Amoruudomollajukekono.