Matyuu 26 - 인기 성경 구절

공유

Yamju puruv kemi ikulloganodowo'jure toga nobwolorapiyokwe tovino neya kinomwalopi subusu'nyogalo dodogaulo. Su tov aro tovino'mokwono. Kemoro poowokalago tovida'ai kuudo tokwe numi numjunyo'mo ikullunodowo'jure kuvi kuruv kemoro kulako to'gwowi su toro yo'moneyokwe jurogudo tov nonagutokwono.”

Toro tool aro kuudokaikono. “Nuu moro poowokalago tovi kalo bwotonyo nyunoduke tovida'ai bollo'mo sadokwono. Toro te kevu akawai kinomwalopi nuuge doduwa'julo.” Kuudokaikono.

Toro wuujuno sumaiyokwe kuru'gwo uuwo'no gamoro sumdomago tov kwako tovi wolomuulo'na'no sumaiyokwe subusu'nyogalo tov aro adokaikono. “Mi Nyunumiyagoloo, nuu dado su tovi mama'miyokwe puuto puruv nokwo youlanubwebinekudukono? Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.” Kuudokaikono.

Su tov aro tovinokwono. Kapwo akavi su'nasuko tov moro mujako tovino'busukokwono. Moro mujako su tov subuu'yamju yajunyo'moneyokweyokwono. Aki toro tov a'mwo abolo bwotonyago tonyuro ma'no ma'nodo tovuro kirumwallo tovi modukwopiyo'mo bwolawonokwono.” Kuudokaikono.

Toruda'ai wosamujuko ton no'mno toga Jisasol bret pun maro'no Gooti toollu, “Nenyoo,” wuujuno sumaiyokwe bret su ton abuudovokaikono. Toro buudeno sumaiyokwe gami uumjunyokwe toorai wiyo'no aro kuudokaikono. “Akav moro kulako tokwono. Kevu maropi donyulo.” Kuudokaikono.

Toro nyuno sumaveyokwe Jisasol wain wonyo kapwo puuwa maro'no Gooti toollu, “Nenyoo,” wuujuno sumaiyokwe gami uumjunyokwe toorai kwiyokaikono. Toro wino sumaiyokwe aro kuudokaikono. “Kevu yiuwi'nokai toorekul wain wonyo tov kapwo tovida'ai donyulo.

Toruda'ai Jisasol aikomgu bo'no gamoro uumjunyokwe pworapwol tooro sa wo'dopure toorai abwonokaikono. Toro bwonyuno sumaiyokwe Pitallu wuudukuuro'no aro kuudokaikono. “Guu kuujo sumdo yiuno pullugwonodo tollugwoji nuuge sumdo mainomwalmwakudo tov ilaiyo'maiyo.

Jisasol toro wuujuno sumaiyokwe aki aro kuudokaikono. “Nuu aro ikudumo'mokwono. Wain ikulsulo tovida'ai wonyo akav nuu aki aiko te yere manmonyugono. Toro kuvi kuruv yiuno mi Nyunumiyago toolluro aguto kig mido mollomwalo tovi kevuge aulomwalmi toga'no wain wonyo muuduko puruv numonyugono.” Kuudokaikono.

Toro adoka toga Pital wuu'nyuno sumaiyokwe Jisasolluro yogalo aro kuudoka tovino aiko te kuudo saurokaikono. “Guu kuukuuro tool deko yere madodowo'jure toga mino pugasalpuga kuunano aro wuudubinekugono. “Awiyo, nuu a'mwo su to kwolluno kuudo maiyonyugono.” Wuudubinekugono.” Pital Jisasolluro yogalo kuudoka su tovino aki aiko te kuudo yau'no sumaiyokwe wuugollu'movo'no kumdato bwotonyo amjodumovlavokaikono.

Kevu doonyulo. A'mwo mi moranubweyo'mo tool me'no abai'mo'mokaikono. Kevu dukavopi avlawano.” Kuudokaikono.

Toro amodovodokuurapiyoka toga Jisasol aro kuudokaikono. “Guu kwallu'mopto toul gami wo'dowodo toru aiko te neya domullosono. Su tov aro tovinokwono. Yiuwi'nokai a'mwo kwallu'mopto togai molo sunpi tooro kwallu'mopto su tonyu muunyu toru nyulapinorogano.