Toro kuvi kuruv kevno'gwowi su toorobusuko nyumo'numwalpiyo. Kemoro tovida'ai pwol a'mwo aguto imo'nyo'mo kwino'ji su tool kemi womdokwe pwolbusuko neya aikullumo'nono. Aki kemoro tovida'ai pwol sumdomgu ikullumo'nyo'mo kwino'ji su tool yiuwi'nokai toorekulluro a'mwo ki'nato womdokwe pwekwobusuko neya aikullumo'nono. Kevu kuudo neya jaullulo. Nuu A'mwo Kwolaiyo Kuunodo kwonyu kuruv mino womdo anyupureyokweyo'mo abonyumaiyo. Toro kuvi kuruv nuu a'mwo abolo tonyu womdo wiyo'moneyokwe abonyugono. Toro toonyu a'mwo abolo bwotonyago tonyu mubiyo biyomallo'moneyokwe bolmonyugono.” Kuudokaikono.