Tegagia 37 - 인기 성경 구절

공유

Pohona i Yusupu mo'ipi, ka i'amba mo'ipino atuu itutuluako ira pepaekompono. Onaemo pu'uno ka dontekense me'o'aliaakono.

I Isaraeli lalu mehohawao i Yusupu sekonopo luwuno anano anu susua, hangano i Yusupu anano anu hina tempono imota'u. Onae metena moweweuakono lemba meloe anu tedoa tekosi.

Mansado mengkitao pepaekompono nine amado laluaopo ipehohawao i Yusupu sekonopo luwuno pepaekompono, onaemo ka dome'o'aliaakono ka nahi dompepauakono moi-moiko.

Ka i'amba onae mohawe mbo'u mo'ipi anu susua ka itutuluako ira pepaekompono. Ipotae, ”Ongkue mo'ipi mbo'u. Tengkitaomo mata'oleo, wula ka hopulu ka asa anano wula mpenggolontu mpesomba ndi ongkue.”

Luwuno mbo'u pepaekompono memosisiri ndi onae, sine amano numaao mongkona atuu i laro arono.

Hangano ipotaeako ira, ”Imerongeo mo'ipi anu hinaweku andio. Ontae tengkita tekonai a lere mponte'u wua gandu, nahi kinoo-koo mewanguako tine'uku ka mentade moleo. Ka i'amba luwuno tine'umiu aiwa melimbuo ka mpenggolontu mpesomba a ntine'uku.”

Kanandio-andio, aiwamo tompepateo ka mpetadiakono a laro asa sumuru andio, ka to'amba mpotae: asa kondehora lambaha merangkamio. Kita koa mengkitao te'ingka hapa anu ta gagi saru luwuno mo'ipino atuu.”

Mansado ntelalo puu mpebalu-balu Midia atuu, i Yusupu pinadii i wawono inso a laro nsumuru atuu, ka i'amba inasa a nto Sumaila atuu me'oli rua pulu sikala salaka. Ka do'amba mewawao i Yusupu i Masiri.

Mpotae iramo pada ondaedo, ”Kitao, puu mpo'ipi atuu aiwa!

Inso olai domengkitaomo. Sine se'eluno napi umpeda ndi ondae, ntepo'asa aroa iramo ira mpepateo.

Motae mbo'u i Rube ndi ondae, ”Si mpo'uwu rea, petadiakonomo koa a laro nsumuru anu kongko i pada one andio, sine siimo imbinio-mbio.” Tinoono motolao i Yusupu inso a ngkaedo ka wawao mekule ndi amado.