Мк 9 - 인기 성경 구절

공유

Иисус тудлан каласен: «Иктаж-мыняр ӱшанен кертат гын – ӱшаныше чыла ыштен кертеш».

Йочан ачаже тунамак шинчавӱд йӧре кычкыралын: «Господь, мый ӱшанем! Ӱшанен моштыдымемлан полшо».

Кунам Иисус пӧртышкӧ пурен, тунемшыж-влак, Тудын дене шкет кодмеке, йодыныт: «Молан ме тиде шӱлышым поктен луктын кертын огынал?» Иисус вашештен: «Тыгай шӱлышым кумалме да пӱтым кучымо дене веле поктен лукташ лиеш».

Шинчал сай. Но шинчал шинчалан лиймым чарна гын, мо дене тудым угыч шинчаланым ыштен кертыда? Тендан кӧргыштыда шинчал лийже, да икте-весе дене келшен илыза».

«Кӧ тидын гай ик йочам Мыйын лӱмем верч йӧратен налеш гын, Мыйым налеш. А кӧ Мыйым налеш, тудо Мыйым огыл, Мыйым Колтышым налеш».

Тыланда чынак ойлем: Мыйын лӱмемлан кӧра да Христосын улмыланда верч кӧ тыланда корка вӱдым йӱаш пуа гынат, тудо суапым налде ок код.

А Мыланем ӱшаныше тыгай изирак-влак кокла гыч иктыжым чын корно гыч кӧ кораҥда гын, тудын шӱйышкыжӧ вакшкӱм сакен, теҥызыш шуат гын, тудлан сайрак лиеш ыле.

Шинчат тыйым алгаштарынеже гын, тудым луктын шу. Тулан тамыкыш кок шинчан кудалтыме лиймешке, Юмын Кугыжанышыш пел шинчан пураш тыланет сайрак.