Rò̌mǎphû̌ 11 - 인기 성경 구절

공유

Ma̤tè̤hî̌dě, a bǒlò̤ ta̤lǒ̤꤮ bò, a kè̌ǐkhwè̌ǐ ta̤lǒ̤꤮ bò ta a ta̤po̤ta̤phǎ toǒ, dě a bǒlò̤ ta̤pṳ̂̌꤮ tacǎ akhû̌akhî, kò htû̌sò̌ǐ Cǒmara hǒ. Kòyò pṳ̂̌꤮ tapwa̤ htû̌sò̌ǐ tû̌ta Cǒmara tûjûpwa̤ nî̌꤮. Amè̤.

Cǒmara a ta̤gwèbǎǐ, a ta̤sî̌ta̤jò ta a ta̤sî̌khû̌sî̌ya htǒotoǒnu, adû̌ayǒ mè̤mè̤̌. A ma̤wî̤ma̤wǒ ma̤ta̤ htǒotoǒnu, kò sî̌yahtò̌bò̌ dǐpwǎ̤꤮ tò̤. Aklè̌ toǒnu kò gû sî̌yabò̌jò dǐpwǎ̤꤮ tò̤.

Lî̤cahtǐkû hî̌, “Mî̌ûpè sî̌yahtûbò̌ Cǒmara asò̌phlǒ pè? Mî̌ûpè tapwa̤ yṳ̂klè̌nè̌klò bò̌nǒ Cǒmara pè? A ǒnǒ dǐpwǎ̤꤮ tò̤.”

Khònò̤htǒo bǎbǎ a sǒsǒ hǐnuhǒ, Cǒmara wû̌lǎ pa ta abwǐdû̌sîrîhtû htǒotoǒnu, a ǒkèpe tîkî̌. Cǒmara ma̤lû̌htò̌ge asî ta ta̤bwǐta̤sîrî dèhî̌dě, amûasǎ mî̌ htě asî ma̤ ta̤wǒ akhû̌akhînu mè̤tò̤. Dě asî ma̤wǒta̤ khû̌khî dèhî̌dě Cǒmara abwǐasîrînu, a mè̤pe ta ta̤ǐko sû mè̤petò̤ hǒ.

Yṳ̌daphû̌ htǒotoǒ numî̌ asǒsǒta kò cû̌ yǒgage Olivedo aphò dě kò ge shǒyǎ we̤kû htǒotoǒnu dě kò cû̌ yǒga Olivemi̤ aphò mi̤klanu dě kò gî plǒhtu nû̌û. Sî Yṳ̌daphû̌ mè̤tò̤ toǒ numî̌, asǒsǒta Olivemi̤ toǒnu hǒ. Khònò̤htǒo sî nî̤bǎ ta̤howi̤ htě Cǒmara howi̤kè Yṳ̌daphû̌ phiphu dě nukha toǒ hǒ. Sî nî̤bǎ sǒsǒta sǒphò htǒotoǒ cî̌o nî̤khû̌nî̤ǎ kû̌ sǒcòshi htě a ǒ akhò̌wi̤kû dě a hè htǒotoǒnu hǒ. Pwǎ̤tadě sî mî̌ Yṳ̌daphû̌ mè̤tò̤ htǒotoǒnu, sî tobǎ hî̌bǎ bè̌htò̌yî̤na̤ dě hî̌tukutakǎ Yṳ̌daphû̌ htě a mî̌ sǒphò dě kò yǒgakè yǎ htǒotoǒ tò̤. Sî dè gènè̤htò̌yî̤ tû̌ sîna̤ hî̌dě, sî̌yahtò̌bǎ lǒkho ta, sî ǐkhû̌ǐǎ sǒkhò̌wi̤ mè̤tò̤. Sǒkhò̌wi̤ ǐkhû̌ǐǎpwǎ sî.