Jacques 1 - 인기 성경 구절

공유

Bane be Nyambi, nesi nu mu kepagere dumangu, banganu ne muyangu neni. Mbare nwayabi re gere gitu gi enu gidyole mu dumangu, gyanuvegi gikanene gi gusindile.

Gere wumosi ve gari enu agakambu ne dyele, ayivuli Nyambi, agumuvege mbare Nyambi agavegi mwenzegeli asagwanuni.

Bane be Nyambi, nwayabi didi, mutu wotsu alengi negulu, tumbe abi page gwambile ne gutibe kabu

Nonge nusindili kwange gusuke, vane nugube nusungeme, nuduge, nusagukambe ne givave.

Gobisanu musamu Nyambi, nuyasingene ke ne gumulu, nuyakwetsimbisu.

Diboti gu mutu wasindili dumangu, mbare aguvegu gipugi gi monyu peke peke yi Nyambi vangenine botsu bamurondi.

Gidime gyotsu giboti ne pagu boti byasundili gu nzambi, byadurugili gu Nyambi, yi sunde dyumbi, tsungi ne mbwelile. Gu yandi gu sandi kalu kalu, gu sandi gupupe, gu sandi posi.

Mbare wotsu wagulu musamu, wusamugobisi, abagunu ne mutu wakwegengili mu dumwenu wakwelabi neve avu. Ne gukwegengile, arageme negulibegene vane ne vane neve avu, asakalugi.

Ve wusu Nyambi taye etu, labe ndwani boti gulembile, gubandekene bekwili ne tsane mu meguge mawu, duyakwebunze ne mambu me bulongu.

Mutu wotsu ve wusu dibi, ayavage re «Nyambi gamangi murime!» Mbare Nyambi samangu ne dibi, sige yandi beni asamangi mutu mu dibi. Mutu wotsu ayi mu dumangu ve gakwesili gubegu, kwange gwakilu mu murambu ne migangu mi andi mibi.

Mwane Nyambi wu gigaye, abi ne muyangu mbare Nyambi gumunangige ve mbure gobe.