Matəw 7 - 인기 성경 구절

공유

Yeso ŋu imbəy ni ghayn abú úŋwən kwi, “Mbən biri Nwiye yi naʼ inen, mbən kaba mbən yi zən, mbən gweʼe Nwiye yi fiʼi inen.

Damugə wa ŋənə u biri Nwiye yi naʼ, wa ŋunə u kaba u yi zən, wa ŋunə u gweʼe Nwiye yi fiʼi abú uŋwen.

Yeso ŋu imbəy ghayn kwi, “Wa ŋunə u zəw anó zənə amə ghayn ni aghəy unó wu, yə chomo ni wa iwe ŋunə u chimi ina ma igun ukob.

Mbən ki aghəy abú ba umbi anó zənə mbən mə kaba kwi u aghəy inen. Zəŋ amə anó zənə amə ungɨŋ unoʼo Mose foro ungɨŋ unoʼo ba ukən Nwiye.”

Asɨmə, uchəw ukam ŋunə umə́ ŋuw asin zənə ba mi jəgə itəni u yə kweʼe. Iji zənə imə ŋuw awu yə kaŋa isəy iyeŋ igun. Aba ba kyire umə zən ə inji wu.”

Yeso ŋu imbey ni ghayn kwi, “Mbən nyi ungɨŋ anó ufon Nwiye akə uchəw ukam kwekwe damugə uchəw ukam kyay yə ŋuw asin ingəʼ. Inji zənə imə ŋuw awu iyə nara iyeŋ igun. Ba nanaʼ mbə́ nyi aba uchəw ukam wu.

Anigə umbən mbənə mbən mə ighəy unó iboŋ, mbən bə kyay umugə ni naʼ u aghəy chuŋ abú umbən buŋ, nji Mbaʼ ŋunə umə azobo yi kaŋa naʼ u aghəy chuŋ abú ba mbənə u biri abú uŋwen.

Yeso mə bə ghayn kwi, “Ka mbən mə saʼa ngwən ba umbi boʼo cha Nwiye mi saʼa ma ngwən. Inji zənə mbən mə saʼa ba umbi amə nibə nigə Nwiye mi saʼa ngwən. Nwiye yə num inji zənə mbən saʼa ba umbi isaʼa ngwən awu.”

Asɨmə, wa ŋunə u zəw anó zənə amə ghayn anigə cha u aghəy ma unó wu, yə chomo nə aneŋ wa ŋunə u chim na ma igun asɨkwaʼ.

Yeso biri abú úŋwen kwi, “Aton zənə ngwə mə zən ə achib aghəy ungɨŋ ighɨ ungwə anya nu cha ngwə mə zən ə ayə ikəg iwayn zənə imə ungɨŋ inji ighɨ amə da ngiya? Kə amə́ ngiya ngwə ghayn abú ungwə unya kwi, ‘Təm a chiyə achib aghəy ungɨŋ injə ighɨ’ Nu ikəg uwayn mə ungɨŋ injə ighɨ?

Yeso ghayn abú úŋwən kwi, “Mbən weŋ ngwən da ba ukən Nwiye figə unó, umbi zaʼa inen ungɨŋ igob injəg, asɨmə ungɨŋ fiŋ uma, umbə nə ifuŋ ŋunə injəy mə zaŋa. Mbən yi kyay úŋwən akə unó mbənə úŋwən mə aghəy. Cha azad injəŋ mə kuw ma namasɨ, Cha amba mə kuw ma akyugwa.

Anigə uzad chuŋ mbə kuw itɨŋi chuŋ, asɨmə azad iboŋ yə kuw itɨŋi iboŋ.

Cha azad chuŋ mə kuw ma itɨŋi iboŋ kə cha azad iboŋ mə kuw ma itɨŋi chuŋ.

Umbi wa azad zənə cha amə kuw ma itɨŋi chuŋ imaʼ ungɨŋ uwəd.