Romiko lạgitʼ Pạul Apostolakʼ ciṭhi 12 - 인기 성경 구절

공유

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Bạṛicʼakʼte alom bhagao ocokʼa, bickom bhageakʼte bạṛicʼakʼ bhagaome.

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Daṛeakʼ bhor sanam hoṛko sãote sulukte tahenpe.

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

Bạṛicʼ bodol bạṛicʼ okoe hõ alope halawakoa. Sanam hoṛkoakʼ mẽtʼre okaṭakʼ bhageakʼkan ona reaṅ moneyakʼpe.

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Sostor reakʼ katha leka, “Amren bạiri reṅgecʼlere jomakʼ emaeme; ar tetaṅlere ńũiyakʼ emaeme. Entem nonkale khan am do uniyakʼ bohokʼre seṅgel aṅgram puńjiaea.”

Okoeko khedetʼpe onko do alope sarapakoa bickom bhorakope. Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Abo mimitʼkoakʼ hoṛmore do aema hạṭińko menakʼa, menkhan joto hạṭińko do mitʼ leka bae kạmiya; ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoyakana. Ar abo mimitʼko do eṭakʼkoakʼ hoṛmo hạṭińko kana bon.