S. Juan 16 - 인기 성경 구절

공유

Kin wei'k teche'x a je' a ba', ti' u tsoyta wore'x yete ten. Yok'o a je' a lu'm ku bij mo' tsoyta a wore'x, chen jach chichkunte a worex, ten yaj kʌnʌnen yok'o tu woro a lu'm.

Ka tarak u pixʌn K'uj, ku bin u laj e'se teche'x to' u jach taji a ba' y ku bin u ye'se a ber; a ti' mʌnʌ' u tsikbatik a ba' baij ku k'at a ti', toj ja'ri' ku bin u ya'e a baij ku yui'k u ya'bati' y ku bin ya'e ti teche'x baij ku bin tar.

A beje' teche'x ma' naj k'ate'x ba' yok'o in k'aba'; k'ate'x y ku bin ts'aba teche'x, ti u jach ki tsoyta a wore'x.

Toj taj kin wei'k teche'x: Ti' teche'x más tsoy wo kin bin; wo mij bin, a mok ku bin tar u yʌnte'x mʌnʌ' u tar, y si kin bin, ten ki bin in tuchi'te. Ka tarak ti' yok'o lu'm bin u laj e'se ti' tu woro a winik, a tiʌ yok'o a je' a lu'm, mok yʌn k'ebʌn, u meta tsoy ba' y mok ku bin u bo'te u si'pi ti' K'uj.

Bexi' bix beje' teche'x mo' tsoy a wore'x, chen a ten jei ka irike'x y ne ku jach tsoyta a wore'x y mix k'ʌs mok ku bin u take teche'x. »A layo' u k'ini mʌnʌ' a yʌn k'atik ba' ti ten. Jach toj tu jay ki wei'k teche'x, ak Tet ku bin u laj ts'ate'x tu woro a ba' wo ka k'atke'x yok'o in k'aba'.

Jach taj kin wei'k teche'x, a teche'x ka bij ok'e'x y ku bij yajta a pixʌne'x, y u winki a je' a lu'm ku bij ne jach tsoyta u yoro', chen tak a teche'x mo' tsoy a wore'x pachi je' u jach tsoy ta wore'x.