К Римлянам 8 - 인기 성경 구절

공유

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

Лӣсимакңўа̄ӷақа ся̄м алңунак иқитысна̄нӷитӣлъю Кияӷныӷым пиниқылъҳаның: талўа туқулъҳым, уңувалъҳым, яқулгыт, налиӷмың туӷныӷа̄т. Талўа сяңўа̄ сяӷңа̄н аӷныӷми налиӷмың сивуми агани, налиӷмың аҳтуӷьяҳқа̄нӷилъҳыт. Талўа сяңўа̄т қулымнъи налиӷмың асимнъи. Улима̄ӷми иқитыстияҳқақшахӣтуқ хўаңкунъың Кияӷныӷым пиниқылъҳаның Христос Иисусыкун Атанымтыхун.

Таўатыҳпигақ Таӷныӷам каюсиӷақӣлъю кая̄тылъымнъи, қаюҳлъяк налъюкылӷӣкут натын юӷалъыҳқақсяқымтыстун. Иўырңа Таӷныӷам лъңаның катам юӷа̄тақӣлъю Кияӷныӷмун ңилъыхтылъыҳлъяхкун акузитңуна̄н.

Сямыңʼңам пинақыстыху уна? Кияӷнық хўаңкунъун аюқңукан, китумңам тыңвимун пилъықӣлъю?

Ынка̄ңам киналъю алңунак Христос Иисусымун илятка̄ката Кияӷныӷым нанқихна̄нӷитӣ аӷью̄ӷьяҳқа̄люки.

Умьюгапут малиҳқутақыхката югусимта пиюкылъҳанун, туқулъықукут. Иўырңа умьюгапут малиҳқутақыхката Таӷныӷагнун, Кияӷныӷым уңувалъылилъықӣлъю, ныкыхмылъылилъықӣлъю.

Иўырңа тама̄кут қамахлъюки кая̄лъқыңъўа̄қақапут Христосыкун пиниқистымтыхун.

Сюмымни икфиқылъыпут уңувалъымнъи иңлютыпагниңитут ниӷуҳқылъыӷмун Кияӷныӷым алӣҳсяҳқа̄нун хўаңкунъун.

Ся̄мңам иқитыслъықинкут пиниқылъҳаның Христосым? Сыӷлылӣлъҳым, пияқлъӣлъҳым, амьюқыта̄ткылъҳым, паныӷниқылъҳым, аклъюмалъҳым, якуӷна̄м, налиӷмың туқутылъҳым?

Кияӷныӷым лӣсимакӣ югыт сюмыҳтаӷалъҳит. Лӣсимакӣлъю сюмыҳтаӷалъҳи Таӷныӷам, қаюҳлъяк Таӷныӷам юӷа̄ткақӣ юги Кияӷныӷым пиюкылъҳатун аюқлъюки.

Қаюҳлъяк тама̄кут маӷьяҳқуқӣ Кияӷныӷым Таӷныӷахкынка Кияӷныӷым авақутақӣ.

Тама̄кут кияҳлъыҳӣт малиҳқутақлъютың югусимың пиюкылъҳитнун, сюмыҳтаӷа̄ткыңъинаӷақӣт пиюкылъытың. Иўырңа тама̄кут кияҳлъыҳӣт малиҳқутақлъютың Таӷныӷагнун, сюмыҳтаӷа̄ткыңъинаӷақӣт Таӷныӷам пиюкылъҳи.

Иӷлыкумаңита̄ лъми катам Иӷныни; итупилъ тӯныхкақа̄ аҳқутңулюку тамаҳамнъун! Кияӷныӷым тӯнумакаңилъю Иӷныӷминың, та̄ўа лъңакун иӷлыхпынани тӯнылъықӣлъю сямың тамаҳа̄ның.

Кияӷныӷым Таӷныӷакык лъмыгның илятка̄гук таӷныӷамнъун уңипа̄нъалюта Кияӷныӷмун авақутақнилюта. Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

Умьюгапут малиҳқутақынӷата югусимта пиюкылъҳанун, аңуягўа̄қукут Кияӷныӷмун қаюҳлъяк қа̄ткигалъкыпут Лӣлиҳтӯсӣ. Ипа қа̄ткыпагниңитапут Кияӷныӷым Лӣлиҳтӯсӣ.

Улима̄қ қамахлъюни утақӣңӯқ қылянылъылиӷлюни Кияӷныӷмун алӣҳтысқылъюки кинкуңутаңи авақутӣ.

Лӣсимакаҳпут хўавымун кынляңа ӣңунаӷми улима̄қ ңилъыхтыңъӯқ ақниҳқылъҳатун иӷниюлӷӣм.