К Колоссянам 2 - 인기 성경 구절

공유

Тугуклъилъыҳпысистун Христос Иисус Атанӷулюку, таўатыҳпигақ ухпықилъыҳқун кияҳтык лъңакун. Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут. Қа̄ткынӷитақңамтыки Кияӷныӷым Лӣлиҳтӯсӣ сыӷлыҳқылъҳыт пикапут игақыхка̄гут. Кияӷныӷым иқиткақӣ игақуқат сыӷлыҳқылъыпут туқуқа̄лъюки Христосым қақӯра̄нун.

қаюҳлъяк қамахтыңъўа̄ӷлюни Кияӷнық кияҳтыңъӯқ Христосым югусӣн. Христос на̄сқӯгуқ иглыӷутистынунлъю, пилъыҳқалыгнунлъю. Илятыслъюси Христосымун Кияӷныӷым тӯныхкақисӣ уңувалъыпигмың.

Китумун алңунак нанқихтыстыхпынаси ныӷылъыӷмыңлъю, мыӷылъыӷмыңлъю, нықынӷаҳқылъҳыт аӷныӷитның, нутаӷат танқит аӷныӷитның, налиӷмың Субботат аӷныӷитның. Та̄кут таӷныӷаңулъҳӣстун аюқут та̄кунун пияҳқанун ага сивумылңуӷнун. Иўырңа тама̄кут ипапигыт Христосымытут.