Luke 6 - 인기 성경 구절

공유

Tuuniiqitek yulgutegpesinun enkaam Kiyaghneghem tuunelleqiisi. Tuunegkani elpesinun kenegtaqluki, ufsugutaqluki, nekegsaghwaaghlleqii, wata ilaaghataghaghlleqii tevughasluki kenisi. Tawaten tuunilleghpesistun Kiyaghneghem tuunelleqiisi.”

Pinilghii yuuk atuqiiquq pinilghiimeng ilumikegkamineng, iwernga seghleq yuuk atuqiiquq seghleghmeng ilumikegkamineng. Yuuk akuzikayuguuq ilumikegkamineng.

Iwernga piniqluki anguyasi, pinitun piiqitek, navghitiiqiteklu, sighimakegpenaki veghutelleghqiit. Akileghtuusaghqalegllaguusi, avaqutiistunllu Kiyaghneghllagem pillequsi, qayughllak nangllegtaghtuq iqamsiqayugigalngughnunllu, seghletunllu pistenun.

Nangllegtaghtek katam tawaten Atagpesi nangllegtallghatun.

“Nanqigtegpenaki yulgutesi, enkaam Kiyaghneghem nanqiggneghilleqiisi. Anaggunnigpenaki kinkut enkaam Kiyaghneghem anaggunninghillisi. Seghevutiiqitek enkaam Kiyaghneghem seghevulleqiisi.

“Iwernga whanga piimsi nagallghiini: Piniqluki anguyasi, pinitun piiqiteki ugumikistesi. Quyastesqaqiteki Kiyaghneghmun tamaakut uyvalaghistesi, yughaatkaqlukillu amyuqetaatkistesi.

Yulgutesi piiqiteki tawaten pisqesulleghpesistun elpesinun.

Kitum alngunak ullungagpegun qasaghtekangaten, inglungallu qasaghtesnaken. Kitum alngunak qaasligken tugukakek, ggategkenllu ellnganun pisqennakegken. Qamaglluki tungsighniilghiit tuunaqiteki. Kitum tuguvikumakangisi saghyagpesineng, veghtegpenaki.

“Uqfik pinilghii piitestingigatuq seghleghmeng. Uqfik seghleq piitestingigatuq pinilghiimeng.

Uqfik natelnguutanga liigiksaghqaaguq piitestekaakun. Sikughlluget piitestingigatut figs‑meng, nalighmeng neghyaghqaanghilnguut nunivagseghat piitestingigatut grapes‑meng.