John 12 - 인기 성경 구절

공유

Kitum alngunak qepghaasukuminga maligsaghqaqaanga. Enkaam qepghaghteka whangamnisaghqaaguq naansaghngaaghma. Atama quulvaghyaghqaqaa kina alngunak qepghaatilghii whangamneng.”

Kitum alngunak piniqegkumigu unguvalleni iflayaghqaqaa. Iwernga kitum alngunak ugumikegkumigu unguvalleni whani nunami kenlengilngughmeng unguvallengyaghqaaguq.

Ipa ungipaatamsi, wetkuqun piitun ifkaghlluni nunamun iteghluni tuqukumi piitesqughllagyaghqaaguq, aamtaam tuqunghilkumi taawa ataasighhaallequq piitun.

Tagikaagunga nunamun nighugulunga, kitum alngunak ugpeqegkanganga mamlegmennanighllequq.

Kitum alngunak nagalluki akuzitenka qaatkenghilkaki, nanqiggnaanghitaqa aghyughyaghqaaniluku, qayughllak nanqigsaghtuunghitanka nunam yugi, yeghlegi yuguliyaghtuuwanka.

Taagken Mary‑m tagitkakek akitupiglleghhiik tepengllaasik nard‑epigmeng ulimaaghek. Jesus‑em itegii kuuvikluki sangigtekii nuyamineng. Enkaam mangtegham ilunga tepengllaasighpagnighqwaakaq.

Enkaam kepuulluteng palm‑et uqfiget avayiitneng paasqaat Jesus akilghuumaghmeng, “Usuqnaghhalek Kiyaghneq! Kiyaghneghem quyasligu Umiilga Israel‑em tagilghii Aatghakun Atanghem!”

Jesus‑em pikakek, “Aflu kaasimaaq Ighneghan Yugem quulvallengeghllalleghqaa.