1
2 Peter 3:9
New Testament-et Akuzipigestun
ess
Ataneq egnaanginneghituq akequsani piyaghqaaluku, ilangita yuget sumeghtaghallghistun. Yeghlegi nekeggmetutaqiisi qayughllak kina alngunak iflayugunghilkanga. Itupill tamaghhaan yuuk avuteghqesqesugaa seghleghqellghitneng.
비교
2 Peter 3:9 살펴보기
2
2 Peter 3:8
Ilakumtaamni, puygugpenaan una! Ataneghmi aghneq ataasiq thousand ayumiqullghestun ayuquq, thousand ayumiqullghet ataasitun aghneghtun ayuquq.
2 Peter 3:8 살펴보기
3
2 Peter 3:18
Iwernga nagneghtek wataqaaghaq liisimakluku Jesus Christ‑a, Ataneghput, Yugulighistevut, nagneghteklu wataqaaghaq piniqellghakun. Enkaam Christ‑a usuqelteggu, quulvaalteggu maaten, quunperugllaklu! Amen.
2 Peter 3:18 살펴보기
4
2 Peter 3:10
Iwernga Aghnegha Atanghem tagillequq teglegniightetun. Tawani Aghneghmi qilaga aviighusaghqaaguq eftughuuteghllagmeng. Sangwaat qamaglluteng qilagamelnguut kenghem ughuglleqii. Qamagllutengllu nunamelnguut paneghllequt.
2 Peter 3:10 살펴보기
5
2 Peter 3:11-12
Qamaglluteng tamaakut ughugyaghqaatangitneng, elpesi yugni natelnguunaqetsi? Kiyaghtaallesi pelungillit, Kiyaghneghmunllu ayuqlit, utaqiimalusi Aghneghanun Kiyaghneghem. Pinaqellghaghsi qamaglluku pinitun pitek aghneq tagiragkiighesqelluku. Tawani aghneghmi kenghem naafqelleqaa qilaga, maatneghemllu ughuglleqii sangwaat qamaglluki qilagamelnguut.
2 Peter 3:11-12 살펴보기