ወንጌል ዘዮሐንስ 12 - 인기 성경 구절

공유

ወእመቦ ዘይትለአከኒ ሊተ ለይትልወኒ እስመ ኀበ ሀሎኩ አነ ህየ ይሄሉ ዘይትለአከኒ ወለዘሊተ ተልእከኒ ያከብሮ አቡየ።

ወዘሰ ያፈቅራ ለነፍሱ ለይግድፋ ወዘሰ ጸልኣ ለነፍሱ በዝንቱ ዓለም የዐቅባ ለሕይወት ዘለዓለም።

አማን አማን እብለክሙ እመ ኢወደቀት ኅጠተ ሥርናይ ውስተ ምድር ወኢሞተት ባሕቲታ ትነብር ወእመሰ ሞተት ብዙኀ ፍሬ ትፈሪ።

ወአንሰ ብርሃን መጻእኩ ውስተ ዓለም ከመ ኵሉ ዘየአምን ብየ ኢይንበር ውስተ ጽልመት።

ወዘኒ ሰምዐ ቃልየ ወኢዐቀቦ አኮ አነ ዘእኴንኖ እስመ ኢመጻእኩ ከመ እኰንኖ ለዓለም ዘእንበለ ከመ አሕይዎ ለዓለም።

ወማርያሰ ነሥአት ዕፍረተ ልጥረ ዘናርዱ ጵስጥቂስ ዘዕፁብ ሤጡ ወቀብዐቶ እገሪሁ ለእግዚእ ኢየሱስ ወመዝመዘቶ በሥዕርታ ወመልአ ቤተ መዐዛሁ ለውእቱ ዕፍረት።

ነሥኡ ጸበርተ ተመርት ዘበቀልት ወተቀበልዎ ወፂኦሙ እንዘ ይጸርሑ ወይቤሉ ሆሣዕና ቡሩክ ዘይመጽእ በስመ እግዚአብሔር ወንጉሦሙ ለእስራኤል።

ወአውሥአ እግዚእ ኢየሱስ ወይቤሎሙ ናሁ በጽሐ ጊዜሁ ከመ ይሰባሕ ወልደ ዕጓለ እመሕያው።