ኀበ ጢሞቴዎስ 1 6 - 인기 성경 구절

공유

ተጋደል ሠናየ ገድለ በሃይማኖት ለተመጥዎ ሕይወት ዘለዓለም ዘሎቱ ተጸዋዕከ ወአመንከ ሠናየ አሚነ በቅድመ ብዙኃን ሰማዕት።

እስመ ሥርዉ ለኵሉ እኩይ አፍቅሮ ንዋይ እስመ ብዙኃን እለ በዛቲ ስሕቱ ወዐለዉ ሃይማኖቶሙ ወኀሠሡ ለርእሶሙ ብዙኀ መቅሠፍተ።

እስመ ለነሰ ተግባርነ ዐቢይ ውእቱ ፈሪሀ እግዚአብሔር።

እስመ አልቦ ዘአምጻእነ ውስተ ዓለም ወአልቦ ዘንክል ነሢአ እምኔሁ።

ለአብዕልተ ዝንቱኒ ዓለም አዝዞሙ ከመ ኢይትዐበዩ ወኢይትአመንዎ ለብዕሎሙ ኀላፊ ዘእንበለ በእግዚአብሔር ሕያው ዘውእቱ ይሁበነ በብዝኀ ብዕሉ ኵሎ ከመ ንትፈሣሕ።

ወእለሰ ይፈቅዱ ይብዐሉ ይወድቁ ውስተ መንሱት ወብዙኅ መሣግረ ፍትወት ዘእበድ ዘይብእሶሙ ወዘያሠጥሞሙ ለሰብእ ውስተ ተሠርዎ ወሞት።

ከመ ይግበሩ ግብረ ሠናየ ወይብዐሉ በገቢረ ጽድቅ ወይኩኑ ራትዓነ፥ ወጸጋውያነ ወሱቱፋነ። ወይሣርሩ ለርእሶሙ መሠረተ ሠናየ ለዘይመጽእ ዓለም ከመ ይርከቡ ሕይወተ ዘበአማን።