མེ་ཐིའུ་ལེའུ་ 27 - 인기 성경 구절

공유

ཆུ་ཚོད་གསུམ་དེ་གཅིག་ཁར་ ཡེ་ཤུ་གིས་གསུང་སྐད་ཤུགས་སྦེ་ ཨེ་ལོ་ཨི་ ཨེ་ལོ་ཨི་ ལ་མ་ཤ་བག་ཐ་ནི་ཟེར་ཞུ་ནུག་ དེ་གི་དོན་དག་དེ་ ཀྱེ་ངེའི་དཀོན་མཆོག་ ཀྱེ་ངེའི་དཀོན་མཆོག་ ནཱ་གིས་ང་ལུ་ག་ཅི་འབད་སྤངམ་སྨོ་ཟེར་ཞུཝ་ཨིན་མས།

དེའི་སྐབས་ལུ་མགོན་ཁང་ནང་གི་ཡོལ་ལི་འདི་ ཡར་མགུ་ལས་མར་མཇུག་ཚུན་ཚོད་ ཁག་གཉིས་སྦེ་ཧྲལ་སོང་ནུག་ དེ་ལས་ས་གཡོམ་བརྐྱབས་ཏེ་བྱག་དེ་ཚུ་ཡང་འགས་སོང་སྟེ། དུར་ཁུང་ཚུ་རང་བཞིན་གྱིས་ཁ་ཕྱེ་འགྱོ་སྦེ་ ཧེ་མ་ལས་ཤི་སོང་མི་ དཀོན་མཆོག་ཁོ་རང་གི་མི་ ལེ་ཤ་རང་གསོན་པོ་སྦེ་ལོངས་ཏེ།

ད་རུང་ ཡེ་ཤུ་གིས་གསུང་སྐད་ཤུགས་སྦེ་གསུངས་ཏེ་ རང་གི་སྐུ་སྲོག་ཕུལ་ནུག

དེ་ལས་སྤྱི་དཔོན་དང་ ཁོ་དང་གཅིག་ཁར་ཡེ་ཤུ་ལུ་སྲུང་སྡོད་མི་དམག་མི་ཚུ་གིས་ ས་གཡོམ་རྐྱབ་ས་དང་ དེ་ཁར་བྱུང་མི་ཚུ་ག་ར་མཐོངམ་ད་ ཁོང་གནམ་མེད་ས་མེད་འདྲོགས་ཏེ་ ཨ་ནི་མི་དེ་ དོན་ལས་རང་ དཀོན་མཆོག་གི་སྲས་ཨིན་མས་ཟེར་ཞུ་ནུག

ཉིན་མ་ཆུ་ཚོད་བཅུ་གཉིས་ལས་ཆུ་ཚོད་གསུམ་ཚུན་ཚོད་ ས་ཆ་ག་ར་ནང་གནག་དུང་དུ་ཡར་སོང་ནུག

དེ་ལས་ པི་ལ་ཏུས་ཀྱིས་ དེ་འབད་བ་ཅིན་ཨ་ནི་ཡེ་ཤུ་དེ་ ཁིརཱིས་ཨིན་ཟེར་སླབ་མི་དེ་ལུ་ ང་གིས་ག་ཅི་འབད་ནི་སྨོ་ཟེར་འདྲིཝ་ད་ ཁོ་ཁྲམ་ཤིང་གུ་བསད་དགོ་ཟེར་ཞུ་ནུག པི་ལ་ཏུས་ཀྱིས་ ག་ཅི་འབད་བསད་དགོཔ་སྨོ་ ཁོ་གིས་ཉེས་པ་ ག་ཅི་འབད་དཔ་ཡོདཔ་སྨོ་ཟེར་འདྲིཝ་ད་ ཧེང་སྐལ་རང་ཁོང་གིས་སྐད་སྦོམ་སྦེ་བརྐྱབས་ཏེ་ ཁོ་ཁྲམ་ཤིང་གུ་བསད་དགོ་ཟེར་ཞུ་ནུག།