मुलो काब़क्पाचि अ़धुवाचिएनान म़कोआन्चिन, खोन्कि मोचि याम़योआकि रात्खामिचि ब़द्धे याङ म़प़चि, खोन्कि म़लोचि, “खानानिन य़ङानिन, ‘आन्कान्का अ़खाखुत इम्सिन्दान्काहिदा खोसोओ अ़चुकाखेङ्पाचि म़ताकि अ़चुस़पोक अ़ख़साखात्ता।’ धिखाहुप काखाङ्ओ अ़नाबाक्दा ओ य़ङ तालानालो आन्कान्का खो अ़सोम्सेत्तुम्काकि खानानिन रात्नि।” खोन्किना रात्खामिचिआ याङ अ़लोआकि म़चिन्तुचिवा म़चुवा, खोन्कि यहुदिचिदा आय़ओ लेन्तारि ओ दुम्ङा फेसायुङ्सा।