Yele-za-pɛr-tib 17 - 인기 성경 구절

공유

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Bɛ kʋ̃ cãà bʋɔlɛ fʋ Abram ɛ, a fʋ yúor na dɩ n Abraham. Bʋ̃ʋ n'ʋ vɛ̃, ɩ̃ na ɩ na fʋ ɩ nɩ-bʋʋr-yaga yaga sãà.

Ɩ̃ na bin nɩ a ɩ̃ wõ-taa mãa nɩ a fʋ̃ʋ cara pʋɔ, ɛ́ a fʋ pùorí, ɩ̃ bin ʋ mãa nɩ a fʋ bʋʋrɛ na dɔwr lɩɛrɛ taa a cara pʋɔ. A wõ-taa ŋa na ɩ kʋralɛ wõ-taa a na ɩ na ɩ̃ ɩ a fʋ Naaŋmɩn nɩ a fʋ bʋʋrɛ Naaŋmɩn a fʋ pùorí.

«Mãa a, a ɩ̃ wõ-taa n'ɩ ŋa ɩ̃ na maalɛ nɩ fʋ a: fʋ na lɩɛb'ɩ nɩ-bʋʋr-yaga yaga sãà.

Ɛcɛ a Naaŋmɩn tɩ lɛb'a yel: «Lɛ bɛ n'a ɩ! A fʋ pɔw Saara na dɔw nɩ dɛble kʋ̀ b, fʋ por a yúor Ɩzaakɩ. Ɩ̃ na bin nɩ a ɩ̃ wõ-taa mãa nɩ a ʋl nɩ a ʋ bʋʋrɛ cara pʋɔ a ʋ pùorí. Ʋ na ɩ n wõ-taa na be kʋralɛ a.

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

A Abraham tɩ lo na gbĩ dume gũu tɩ tɔ tẽw ɛ́ la. Bʋ̃ʋ n'ʋ vɛ̃, ʋ tɩ tɩɛr'ɩ ʋ pʋɔ: «Yome kʋba (100) dɛb na tʋ̃ɔ́ na páw bie e? Ɛ́ a Saara nɩ a ʋ yome lɩz'a anaar'ɩ pie na tʋ̃ɔ́ na dɔw bie e?»

Al pùorí, a Naaŋmɩn tɩ yel'ɩ a Abraham: «Ta cãà bʋɔlɛ a fʋ pɔw kɛ́ Saraɩ ɛ. Dɩ̃a na ta a, a ʋ yúor'ɩ Saara.

A nyɩ yʋɔr-ŋmãafʋ na ɩ n a wõ-taa na be nyɩɩm nɩ a mãa cara pʋɔ a bãwfʋ.

Ɛcɛ a ɩ̃ wõ-taa a, Ɩzaakɩ n'ʋ ɩ̃ na maal'ɩ, a bidɛb a Saara na na dɔw kʋ̀ b vɩɛr à à ŋá tɔ-won a.»

A nyɩ dɛbli mɩ́ wa dɔw maalɩ bibie ani a, bɛ na mɩ́ ŋma n a bɛ yɛɛ, a lɛ bɛ na dɔwr lɩɛrɛ taa ɩ taabɛ a. Lɛ mɩ̀ n'a a gbãgbaar na dɔw a fʋ yir pʋɔ a ƴãw, bɩɩ a bɛl fʋ na dà nɩ-bʋʋr-yoru zie, ɛ́ bɛ bɛ pʋɔ a fʋ bʋʋrɛ pʋɔ a. A na ɩ à ŋá a, a gbãgbaa na dɔw a fʋ yir pʋɔ a, nɩ a gbãgbaa fʋ na dà a, bɛ mɩ̀ na ŋma n a bɛ yɛɛ. Lɛ n'a a ɩ̃ wõ-taa na ƴãw a nyɩ ƴã-ganɩ́ a na ɩ wõ-taa na be kʋralɛ a.