Marko 6 - 인기 성경 구절

공유

Kore tankaraki naruko ltung'ana epuonu inie netii ninche nepuo, naaku metum abaki ninche mpaach nanyayie ndaa. Nejoki Yeso ninche, <<Wootu erukurukoreeki maapetin ng'oji neliyio aa iyioo aapeny, eyeng'iyeng'ata peneu.>>

Nejoki Yeso ninche, <<Kore loiboni naa keichori ake nkanyit tae ng'oji pooki mara ake to lkerenket lenche o taatua lmarei lenye o ta nkang enye>>

Kore pee edou Yeso te meli, nedol lturrur kitok, neing'erru ninche amu ketuwuana nkerra nemeata lchekut. Neng'asu aiteng'en ninche mbaa kumo.

Naaku eitu eidim ninye ataasa hooyia mbaa e nking'asia teinie, mara ake lolo kuti tamoyia ooiteleka nkaik, neichiu ninche. Neing'asia tankaraki meata ninche nkurukoto. Nemanaa Yeso taatua nkang'ite eiteng'enicho.

Nerrapu ninye nenia mukateni imiet o lolo sinkirri oare neing'or chumata, neicho Nkai nache. Kore nenia mukateni, neor, neicho looiteng'eni lenyena meichoo ltung'ana. Neitoki ꞉Yeso aoriki ltung'ana pooki lolo sinkirri oare. Nenya pooki neimu, nebosu looiteng'eni lenyena nkikapuni tomon o oare naabore ng'urrot ee mukateni o sinkirri.