रोमियो 14 - 인기 성경 구절

공유

किके परमेसर दा राज खाणा-पीन नेई, लेकन तर्म ते मेल-मलाप ते ओ खुशी ऐ जेड़ी पवित्र आत्मा थमां ओंदी ऐ। जेड़ा कोई एस रीति कन्ने मसीह दी सेवा करदा ऐ, ओ परमेसर गी खोश करदा ऐ ते मनुक्खें च ग्रेण जोग बनदा ऐ।

जेकर अस जिंदे न, तां प्रभु दे लेई जिंदे न; ते जेकर मरनयां न, तां प्रभु दे लेई मरनयां न; आखर अस जीचै जां मरचै, अस प्रभु दे गै न।

एसकरी अस उनै गल्लें दी कोष्ट करचै जेदे कन्ने मेल-मलाप, ते एक दुए दा सुधार उवै।

एस लेई अगें आसतै अस एक दुए उपर दोष नेई लाचै, लेकन तोस ए पक्का करी लियो के कोई अपने प्रा दे अगें ठोकर जां ठोकर देने दा कारन नेई बनें।

“किके पवित्र शास्त्र च लिखे दा ऐ, प्रभु आखदा ऐ, मेरी जिंदु दी सघंद ऐ, के अर एक गोढे मेरे सामने टिकग, ते अर एक जिभ परमेसर गी कबूल करग।” तां पी, साड़े बिचा अर एक परमेसर गी अपने-अपने करमें दा लेखा देग।

जेड़ा विश्वास च कमजोर ऐ, उसी अपनी संगति च ग्रेण करी लियो, लेकन ओदे शक उपर बैस करने लेई नेई।

तू कोन ऐ जेड़ा दुए दे सेवक उपर दोष लाना ऐ? ओदा टिके दा रौना जां डिगी जाना ओदे मालक कन्ने गै मतलब रखदा ऐ; वरन ओ पक्का करी दिता जाग, किके प्रभु उसी मजबूत रखी सकदा ऐ।