रोमियो 1 - 인기 성경 구절

공유

किके आंऊँ शोभ समाचार सनानें लेई शरमिन्दा नेई ओंदा, एस लेई के यीशु मसीह दा शोभ समाचार अर एक विश्वास करने आलें आसतै, पैलैं तां यहूदी, ते पी यूनानी दे लेई, मुक्ति आसतै परमेसर दी शक्ति ऐ।

किके सुसमचारें च परमेसर दी तार्मिकता विश्वास क्न्ने ते बश्वास लेई प्रकट ओंदी ऐ; जियां पवित्र शास्त्र च लिखे दा ऐ, “तरमी मनुक्ख विश्वास कन्ने जिन्दा रौग।”

किके परमेसर दे अन दिखे गोण, मतलब मेशा दी शक्ति ते ओदा अपना सभाह, दुनिया गी बनाने दे बेलै कोलां ओदे कम्में दे जरीयै दिखने च ओदे न, तां करी उन्दे कोल कोई बहाना नेई।

एस कारन के परमेसर गी जानने उपर बी उनै परमेसर दे काबल बड़ाई ते शुकर नेई कित्ता, सगुआं गलत वचार करन लगे, इत्थैं तकर के उन्दा निर्बुद्धि मन न्हेरा ओई गीया।

किके उनै परमेसर दी सच्चाई गी बदलीयै चुठे च बदली दित्ता, ते सृष्टि दी अराधना ते सेवा कित्ती, नां के ओस सृष्टिकर्त्ता दी जेड़ा मेशा तन्न ऐ, आमीन।

परमेसर दा गुस्सा तां उनै लोकें दी सारी अपक्ति ते अतर्म उपर सोर्ग चा परकट ओंदा ऐ, जेड़े सच्च गी अतर्म कन्ने दबाई रखदे न।

एसकरी परमेसर ने उनेंगी नीच खुआशें दे अथ्थ बेच छुड़ी दित्ता; इत्थैं तकर के उन्दी जनांनीयें बी सेई सभाह दे वर्ताओ गी ओसदे बेच जेड़ा सेई कम करने दे खलाफ ऐ, बदली दित्ता। इयां गै मडदें बी जनांनीयें दे कन्ने सेई कम दा वर्ताओ छुड़ीयै अप्पुं चें मस्त ओईयै मुकान लगे, ते मडदें, मडदें दे कन्ने गलत कम करियै अपने ओस गलत कम दी सेई सजा मिली। जेलै उनै परमेसर गी जानना नेई चाया, एसकरी परमेसर ने बी उनेंगी उन्दे नीच मन दे मताबक छुड़ी दिता, के ओ पैड़े कम करन

ओ अपने आप गी बुद्धिमान आखीयै मुर्ख बनी गै, ते उनै नां मरने आले परमेसर दी मैमा गी नाश ओनें आले मनुक्ख, पैंछीयें, चौंऊ खुरें आले, ते पूञाँ चलने आले जिबें गी मूरत आला लेखा बदली दित्ता।