MATHAYO 24 - 인기 성경 구절

공유

Na tondũ waganu nĩũgakorũo ũingĩhĩtio, wendani wa andũ aingĩ nĩũkanyihio. No ũrĩa ũgũkirĩrĩria nginya o ithirĩro, ũcio nĩakahonokio.

Naguo Ũhoro-ũyũ-Mwega wa ũthamaki nĩũkahunjio thĩ yothe, ũtuĩke ũira kũrĩ ndũrĩrĩ ciothe; na hĩndĩ ĩo nĩrĩo ithirĩro rĩgakinya.

Na nĩmũkaigua ũhoro wa mbaara, na mbugĩrĩrio ciacio: menyai mũkamaka: nĩ gũkorũo maũndũ macio matirĩ hingo matagakinya; no rĩrĩ, ithirĩro ti ikinyu.

Tondũ rĩrĩ, rũrĩrĩ o rũrĩrĩ rũgokĩrĩra rũrĩa rũngĩ, na o ũthamaki ũũkĩrĩre ũrĩa ũngĩ: na gũkagĩa na ng’aragu na ithingithia cia thĩ kũndũ kũingĩ. Namo maũndũ macio mothe no kĩambĩrĩria kĩa ruo ta rũa kũrũmwo.

Igũrũ na thĩ nĩgũgathira, no Ũhoro wakwa ndũgathira.

Nĩ gũkorũo andũ aingĩ nĩmagoka magĩĩtuaga rĩĩtwa rĩakwa, makiugaga atĩrĩ, Niĩ nĩ niĩ Kristo; na mahĩtithie andũ aingĩ.

Hĩndĩ ĩo nĩyo andũ makamũneana mũnyarirũo, na mamũũrage: na nĩmũkamenwo nĩ ndũrĩrĩ ciothe nĩ ũndũ wa rĩĩtwa rĩakwa. Na hĩndĩ ĩo andũ aingĩ nĩmakahĩngithio, o na mũndũ aneane ũrĩa ũngĩ, o na mamenane. Na anabii aingĩ a mathaara nĩmagokĩra, na mahĩtithie andũ aingĩ.

Nake Jesu akĩmacokeria akĩmera atĩrĩ, Wĩmenyagĩrĩrei atĩ mũtikanahĩtithio nĩ mũndũ o na ũrĩkũ.

Nĩ ũndũ ũcio o na inyuĩ ikaragai mwĩhaarĩirie: nĩ gũkorũo Mũrũ wa Mũndũ nĩagoka thaa ĩrĩa mũtegereirie.

Nĩ ũndũ ũcio wĩhũgagei, nĩ gũkorũo mũtiũĩ mũthenya ũrĩa Mwathani wanyu agoka.

Naguo ũhoro wa mũthenya ũcio, kana wa ihinda rĩu, gũtirĩ mũndũ ũũĩ, o na araika arĩa marĩ Igũrũ, o na kana Mũriũ, no Ithe witũ wiki.

Nĩ ũndũ nĩgũgokĩra makristo ma maheni o na anabii a maheni, nao monanie ciama nene o na morirũ, nĩguo mahĩtithagie o na arĩa aamũre, ũngĩkorũo ũguo wahoteka.

Na ta ũrĩa gwatariĩ matukũ ma Nuhu, no taguo gũũka kwa Mũrũ wa Mũndũ gũkahaana. Nĩ gũkorũo, o ta ũrĩa gwatariĩ matukũ marĩa maarĩ mbere ya kĩguũ kĩrĩa kĩnene, o rĩrĩa andũ maarĩaga, na maanyuaga, na maagũranaga, na mendagia airĩtu ao, o nginya mũthenya ũrĩa Nuhu aatonyire thabina, nao matiamenyire kinya rĩrĩa kĩguũ kĩu kĩnene gĩokire gĩkĩmatwara othe-rĩ; o ũguo noguo gũũka kwa Mũrũ wa Mũndũ gũkahaana.