HAGAI 2 - 인기 성경 구절

공유

Ningĩ riri ũrĩa nyũmba ĩno ĩkagĩa naguo nĩũkaneneha, ũingĩhe gũkĩra ũrĩa yarĩ naguo tene. Ũguo nĩguo Jehova Mũnene wa Ita ekuuga. Nakuo kũndũ gũkũ nĩkuo ngaheanagĩra thayũ; ũguo nĩguo Jehova Mũnene wa ita ekuuga.

Nĩngatũma andũ a ndũrĩrĩ ciothe magagaĩrũo nĩ thĩ, nacio indo iria ciĩriragĩrio mũno nĩ ndũrĩrĩ icio irehwo, nayo nyũmba ĩno yakwa ndĩmĩiyũrie riri mũingĩ. Ũguo nĩguo Jehova Mũnene wa Ita ekuuga.

No rĩrĩ, Jehova ekũmwĩra ũũ: Wee Zerubabeli, wĩũmĩrĩrie! Ningĩ o nawe Joshua wa Jehozadaki, mũthĩnjĩri-Ngai ũrĩa mũnene-rĩ, wĩũmĩrĩrie! Ningĩ Jehova ekũmwĩra inyuĩ andũ a bũrũri ũyũ, Wĩũmĩrĩriei na mũrutage wĩra; tondũ niĩ ndĩ hamwe na inyuĩ. Ũguo nĩguo Jehova Mũnene wa Ita ekũmwĩra.

Tũũrai mũririkaine kĩrĩkanĩro kĩrĩa twarĩkanĩire na inyuĩ rĩrĩa mwoimire Misiri, o rĩrĩa Roho wakwa aatũire thĩinĩ wanyu, na mũtige gwĩtigĩra.