MATIUS 8 - 인기 성경 구절

공유

Getai udi saben, nadeak Yesus, “Udi de ku'ang pecayo ngen Uku!” Sesudo'o kelongonba Yesus temgur ibut ngen daneu. Lajau daneu jijai kembiak tenang.

“Jibeak Bak,” madeak pemipin tentra'o, “Uku coa patut temimo Bak neak lem umeakku. Bak priteak bae. Be pelayanku'o ka'en.

Waktau Yesus temi'uk jano de nadeak pemipin tentra'o, Si kembiak heran. Lajau Si madeak ngen tun-tun de temotoa-Ne, “Luea biaso tun yo. Neak antaro tun Israel ati perneak Uku temau imen de klai yo!

Lajau Yesus madeak ngen pemipin tentra'o, “Belekba, jano de ko pecayo, do bakea tetijai.” Ngen waktau'o kulo Yesus kema'en pelayan tentra'o.

Penotoa-penotoa Yesus heran ngen. Tobo'o ngen madeak, “Luea biaso tun yo sehinggo ibut ngen umbok temotoa jano de neriteak-Ne!”