ROMA 8 - 인기 성경 구절

공유

Ninjanitamo Alatala nokarajaa riara mpengele-ngele to najadi ri ja'ita ala manggeni belo ka kita to nompotowe I'a, etumo kita to nipokiona najadi ana-anana nantuki dotana mboto.

Sabana niparasayaku da'a ria kamba sangele to namala mombalawa towe Kristus ri ja'ita, nabeloka kamatea atau katuwuta eo-eo, nabeloka malaeka atau seta atau mpengele-ngele kuasa ntanina, nabeloka nuapa-nuapa to najadi we'i-we'i atau nuapa-nuapa to majadi banepia, nabeloka kuasa-kuasa ri langi atau kuasa-kuasa ri dunia, nabeloka nuapa-nuapa ntanina to nipajadi Alatala. Etu pura-pura da'a namala mombalawa towe Alatala ri ja'ita sabana kita nosaongu rara ante Pueta Yesus Kristus.

Nosa Nagasa nu Alatala wo'u nantulungi kita riara kalenteta. Sabana da'a ninjanita iwenu kasipatona kita mosambaya. Tapi Nosa Nagasa mboto nantulungi kita mosambaya ante pekakai to da'a namala nisowadaka manusia.

Jadi nantora etu pura-pura nuapa masipato raulita? Ane Alatala mosabingga ka kita, isema mabia mangewa kita?

Jadi we'i-we'i mana ria pesuku to rapawela ka tau-tau to nosaongu rara ante Yesus Kristus.

Ane pekirita nikuasai dota rara to naja'a kita kana mamate bo rapopoga'a nggari ja'i Alatala sampe ri kasae-saena. Tapi ane pekirita nikuasai Nosa Nagasa nu Alatala kita kana matuwu mosinggabelo ante Alatala sampe ri kasae-saena.

Tapi nau nuapa-nuapa majadi ri ja'ita kita mpu'u-mpu'u padagi ante kuasa i Pue Yesus to nompotowe kita.

Nantuki pombarataku kasusa bo kapari to nirasaita we'i-we'i da'a ntoto ria batuana ane rapoposisala ante kabelona to rarasaita banepia.

Jadi nuapa to namala mombalawa towe Kristus ri ja'ita? Natantu da'a ntoto ria! Nau kita masusa atau mapari atau rapandasa ntau, nau kita maoromate atau da'a ntoto ria pakea, nau kita nirumpa baranggau atau rapatesi, kita bate-batena rapotowena.

Pade Alatala to nanggita isi rara nta'i manusia nangginjani patuju nu Nosa Nagasa etu, sabana Nosa Nagasa nosambaya ka topomparasaya nantuki dota nu Alatala mboto.

Isema-sema to nikeniaka Nosa Nagasa nu Alatala, iramo ana-ana nu Alatala.

Isema-sema to natuwu nantuki dota rarana to naja'a bate-batena nompekiri dota rara to naja'a. Tapi isema-sema to natuwu nantuki dota Nosa Nagasa nu Alatala bate-batena nompekiri nuapa to nipodota Nosa Nagasa.

I'a da'a natowe ka Anana mboto tapi niwaina rapatesi manjaliku silakata. Jadi ane I'a da'a natowe nombawai Anana mboto rapatesi natantumo I'a wo'u kana mombawai ka kita ante kajoina mpengele-ngele to niparaluuta.

Nosa Nagasa nu Alatala mbotomo nantakono nuapa to nanotomo riara nta'ita, etumo kita ana-ana nu Alatala! Pade ane kita ana-ana nu Alatala batuana kita wo'u tau to masipato mantarima rasi-rasi to nipakasadia Alatala ka ana-anana. Kita wo'u masipato mantarima pura-pura nuapa to nipakasadia Alatala ka Kristus, sabana kita nombarasai kasusa ewa to nirasaina ala kita wo'u mombarata bagia riara kuasa bo kagayana to nipogumaa.

Ane pekirita nikuasai dota rara to naja'a kita majadi bali nu Alatala, sabana kita da'a natundu riara Atura-atura Alatala. Da'a aga etu, tapi ane pekirita nikuasai dota rara to naja'a kita da'a nompakule mantuki Atura-atura etu.

We'i-we'i pura-pura nuapa to nipajadi Alatala nompopea ante nalentora rarana tempo Alatala mompopokita kuasa bo kagaya nu ana-anana.

Sabana ninjanitamo pura-pura to nipajadi Alatala nandasamo sampe we'i-we'i nasimbayu ewa samba'a besi nekakai tempona i'a moana.