SURO-SURO 20 - 인기 성경 구절

공유

Ante mpengele-ngele akala niwaiku jonjo ka komi iwenu kita kana mobago ala mantulungi roa-roata to nakasiasi. Kita kana mompariara nta'i tesa i Pue Yesus to nanguli: ‘Neliupa kabelona ane kita mombawai pade kita mantarima.’ ”

Tapi mana kupotowe koroku e'i, bara mamate bara matuwu, kana kupajala bagoku to niparasaya i Pue Yesus ka aku sampe kaopu nggatuwuku. Bagoku etumo mompatolele Kareba Belo ewa towe belo nu Alatala.

Komi kana mombajagai koro komi mboto. Pade jagai wo'u pura-pura anggota gareja to niparasaya Nosa Nagasa nu Alatala ka komi. Nasimbayu ewa topoewu nompiara bimba-bimbana komi kana mompiara todea nu Alatala etu to niolina ante lei nu Anana mboto.

Jadi we'i-we'i, sampesuwu-sampesuwuku, kujujumo katuwu komi riara mpale i Pue ala I'amo to mompiara komi. Pade kuuli ka komi, tukimo Tesa nu Alatala to nompakanoto towe belona ka kita. I'amo to namala mompakaroso pomparasaya komi pade mombawai ka komi rasi to nipakasadiana ka tau-tau to nipelisina majadi todeana.